Breska lögreglan íhugar nú alvarlega þann möguleika að setja örmyndavélar á byssur sérsveitarinnar eftir að lögreglumenn skutu breskan borgara til bana snemma á árinu en ágreiningur hefur verið um hvernig atvikið átti sér stað og hvort réttmætt hafi verið að skjóta manninn.

Samkvæmt upplýsingum hefur um árabil tíðkast slík notkun myndavéla innan breska hersins en tilgangur þess er sá að koma í veg fyrir að menn sem handleiki skotvopn fari offari í valdbeitingu og til þess að varpa ljósi á tildrög notkunar skotvopna. Málið hefur þó mætt nokkurri andstöðu sérsveitarmanna.