|
Ströndum í Perú lokað vegna dýradauða |
|
Miðvikudagur, 09. maí 2012 09:38 |
|
Strendur í norðurhluta Perú hafa verið skilgreindar sem bannsvæði og hefur verið lokað vegna óútskýrðs dýradauða á svæðinu. Allt að eitt þúsund höfrungar og fjögurþúsund fuglar auk mikils fjölda risakolkrabba hafa fundist dauðir á svæði sem er um tvöhundruð kílómetrar að lengd. Fyrstu dýrin fundust dauð í mars síðastliðnum, en þrátt fyrir ítarlegar rannsóknir hefur vísindamönnum ekki enn tekist að varpa ljósi á hvað olli dauða dýranna. Yfirvöld hafa lokað svæðið af og bannað alla umferð á og við svæðið. Umferð hefur einnig verið takmörkuð um önnur svæði í öðrum hlutum Perú og hafa yfirvöld varað almenning við að baða sig á ströndum þar til útskýringar hafa fundist á dauða dýranna en nú þegar hefur verið útilokað að um mengun sé að ræða. Yfirvöld í Perú hafa gefið út að vísindamenn telji að um einhvers konar veiru sé að ræða og á meðan ekki sé vitað hvað sé á ferðinni sé öruggast að taka enga áhættu. Vísindamenn vinna nú hörðum höndum að greiningu sýna úr dýrunum.
|
Því miður getur þú ekki sent athugasemdir við fréttina. Einungis innskráðir notendur geta gert athugasemdir við greinar. Vinsamlegast hafðu samband við skrifstofu Útvarps Sögu í síma 533-3943 og fáðu skýringu og leiðréttingu ef ranglega hefur verið lokað á athugasemdir frá þér eða þú getur ekki skráð þig inn.
argaiv1936
