26 af 27 vísindamönnum sem sögðu það „samsæriskenningu” að kórónuveiran kæmi frá Wuhan – voru sjálfir tengdir rannsóknarstofunni í Wuhan

Minnihluti utanríkisnefndar Bandaríkjaþings slær því föstu í eigin rannsókn, að SARS–CoV-2 veiran hafi borist út af rannsóknarstofu Veirustofnunarinnar í Wuhan af slysni. Anthony Fauci smitsjúkdómasérfræðingur Hvíta hússins hefur verið staðinn að ósannindum m.a. fyrir Bandaríkjaþingi en hann greiddi fyrir rannsókn á viðbótarvirkni veirunnar sem sýklavopni í Wuhan.

Ásakanir um samsæriskenningar gerðar til að dylja að veiran barst út frá rannsóknarstofunni í Wuhan

26 af þeim 27 vísindamönnum, sem skrifðu bréf í læknatímaritið Lancet í fyrra, og sögðu það vera „samsæriskenningu” að halda því fram að veiran gæti hafa borist út frá rannsóknarstofu, voru sjálfir tengdir rannsóknarstofunni í Wuhan. Bréf þeirra meira og minna endaði umræðuna þá, hvort veiran gæti hafa komið frá rannsóknarstofunni.

Daily Mail skrifar, að ný rannsókn sýni, að 26 af þeim 27 vísindamönnum sem skrifuðu bréfið í Lancet höfðu bein tengsl við kínverska vísindamenn rannsóknarstofunnar, samstarfsmenn þeirra eða velunnara.

Vísindamennirnir sjálfir í beinum tengslum við rannsóknarstofuna í Wuhan

„Hinn 7. mars í fyrra birti hið áhrifamikla tímarit bréfið, þar sem vísindamennirnir 27 sögðust „eindregið fordæma samsæriskenningar“ um uppruna kórónavírusfaraldursins sem hefur haft áhrif alls staðar í heiminum.

Bréf vísindamannanna lokaði í raun allri umræðu um, hvort Covid-19 hafi verið af mannavöldum eða lekið frá rannsóknarstofunni í Wuhan, sem var upprunastaður veirunnar.

Hins vegar hefur rannsókn dagblaðsins The Daily Telegraph á vísindamönnunum 27, sem undirrituðu bréfið, leitt í ljós að 26 þeirra höfðu tengsl á einhvern hátt við Veirustofnunina í Wuhan, þar sem grunur er um meintan leka veirunnar. Hefur sú niðurstaða varpað nýju ljósi á hlutdrægni vísindamannanna.

Repúblikanar á Bandaríkjaþingi slá því föstu að veiran hafi fyrir slysni dreifst út af rannsóknarstofunni í Wuhan rétt fyrir 12. september 2019

Rannsókn utanríkismálanefndar Bandaríkjaþings á uppruna Covid-19 faraldursins hefur komist að þeirri niðurstöðu, að veiran hafi lekið frá Veirustofnuninni í Wuhan einhvern tíma rétt fyrir 12. september 2019.

Nefndin tók saman „yfirgnæfandi“ sönnunargögn sem staðfesta rannsóknarstofuna sem uppsprettu útbrotsins og vitnar í þráláta viðleitni hlutaðeigandi aðila til að „eyða sönnunargögnum“ til að dylja þátttöku þeirra í að búa til veiruna.

Það er mat minnihluta nefndarinnar, sem byggist á fyrirliggjandi upplýsingum; skjalfestri viðleitni til að fara með dylgjur, fela og eyða sönnunargögnum; og skorti á sönnunargögnum um hið gagnstæða; að SARS-CoV-2 var af slysni sleppt út af rannsóknarstofu Veirustofnunarinnar í Wuhan einhvern tíma fyrir 12. september 2019. “

„Við teljum núna, að það tími sé kominn til að útiloka votmarkaðinn sem upprunastað veirunnar.”

Athugasemdir

athugasemdir

Deila