A.m.k. 55 manns hafa látið lífið í Bandaríkjunum eftir að hafa látið bólusetja sig gegn covid-19 samkvæmt skýrslum til yfirvalda. Gildir það bæði fólk sem hefur tekið bóluefni Moderna og Pfizer-BioNTech bóluefni skv. tölvugrunni ríkisins VAERS (Vaccine Adverse Event Reporting System). Skýrslum er ekki sjálfkrafa safnað saman heldur byggir kerfið á virkni þeirra sem senda upplýsingar til kerfisins. Allir geta sent inn skýrslur, bæði starfsmenn sjúkrahúsa, sjúklingar eða fjölskyldumeðlimir. Talið að gagnagrunnurinn sýni „aðeins lítið brot af því sem gerist í raunveruleikanum.“
Fannst látinn í rúminu með hálfopin augu og froðu úr munninum
Í sumum tilvikum dóu sjúklingar skömmu eftir að hafa tekið sprautuna. 66 ára gamall maður á heimili eldri borgarara í Colorado varð þreyttur eftir að hafa fengið sprautu með Moderna bóluefni og lagði sig og næsta morgun „lá hann í rúminu, náfölur með hálfopin augun og froðu úr munninum. Hann andaði ekki og hjartað var hætt að slá.“
Í öðru dæmi 93 ára gamals manns frá Suður Dakota, sem fékk sprautu með Pfizer bóluefni kl. 11 4. janúar, þá kenndi hann þreytu eftir tvo tíma og varð að leggja sig. Hann sagði að fætur sínir væru þungir. Skömmu síðar gaf hann upp andann. Abigail Capobianco talsmaður FDA, Matvæla og lyfjastofnunar Bandaríkjanna segir í tölvubréfi til The Epoch Times „FDA rannsakar mjög nákvæmlega allar skýrslur um dánartilvik vegna bóluefnanna í samstarfi við Smitvarnarstofnunina CDC (Centers for Disease Control and Prevention).“ Starfsmenn stofnunarinnar vinna með starfsmönnum heilsugæslunnar og safna læknisfræðilegum upplýsingum í kjölfar andlátanna. Heilbrigðisstarfsmenn segja að rannsaka þurfi hvert dæmi fyrir sig og að ekki sé eingöngu hægt að byggja á skýrslum VAERS kerfisins.
Á annað þúsund heimsóknir á slysavarðstofu eftir bólusetningu
Þá hefur verið tilkynnt um 96 lífshættulega aukaverkanir í kjölfar bólusetningar, 24 dæmi um langvarandi óstarfhæfni, 225 sjúkrahúsvistanir og 1,388 heimsóknir á slysavarðsstofur. 15. janúar höfðu 10,5 milljónir Bandaríkjamanna látið bólusetja sig. Yfirmenn heilsumála í Bandaríkjunum segja að bóluefnin séu örugg en verið sé að rannsaka uppkomin mál.
Eitt mál hefur vakið mikla athygli sem Útvarp Saga hefur greint frá, andlát Gregory Michael, 56 ára gamals fæðingarlæknis hjá læknamiðstöðinni Mount Sinai í Miami. Hann fékk sprautuna 18. desember og dó 16 dögum síðar. Heidi Neckelman eiginkona hans segir að maður sinn hefði verið fullfrískur áður en hann lét bólusetja sig. „Látum dauða hans ekki vera til einskis, vinsamlegast bjargið fleiri lífum með því að dreifa þessum upplýsingum“ skrifaði Heidi á Facebook.
Pfizer og BioNTech telja ekkert samband við bóluefnið
Pfizer og BioNTech segjast vera að rannsaka málið: „Við erum að rannsaka þetta mál, við teljum ekki á þessari stundu að það sé neitt samband við bóluefnið. Engin slík áhættumerki hafa komið fram í rannsóknum okkar.“ Upplýsingarnar úr tölvugrunni VAERS komu eftir að Noregur gaf út nýjar leiðbeiningar um að bóluefni skyldi ekki vera gefið eldra fólki með undirliggjandi sjúkdóma eftir dauða a.m.k. 23 manns sem fengið höfðu sprautuna.
Sjá nánar hér
