72 þúsund óbólusettum hjúkrunarkonum og heilbrigðisstarfsmönnum í New York fylki sagt upp störfum – þjóðvarðliðið kallað inn

Kathy Hochul fylkisstjóri New York hefur lýst yfir neyðarástandi vegna brottrekstrar um 72 þúsund óbólusettra starfsmanna í heilbrigðisgeiranum sem „misstu af” tímasetningu til að bólusetja sig. Hún segir covid bóluefni vera gjöf frá guði. Vill hún breyta kirkjusöfnuðum í „postula fagnaðarerindisins” að allir eigi að bólusetja sig og „þeir bólusettu séu gáfaðir en óbólusettir brjóti gegn vilja Guðs.” (Sksk Rumble)

Þjóðvarðliðið kallað inn til að vinna störf sérmenntaðs fólks á sjúkrahúsum, heilsugæslustöðvum og hjúkrunarheimilum

Kathy Hochul fylkisstjóri New York hefur lýst yfir neyðarástandi og kallað inn þjóðvarðlið til að vinna störf 72.000 óbólusettra heilbrigðisstarfsmanna, sem sagt hefur verið upp störfum fyrir að hafa ekki látið bólusetja sig. Hochul sendir þúsundir „læknisfræðilega þjálfaðra“ þjóðvarðliða til sjúkrahúsa í fylkinu eftir að 72.000 heilbrigðisstarfsmönnum var sagt upp störfum af því að þeir misstu þann tímafrest, sem yfirvöld gáfu upp til að láta bólusetja sig. Frá þessu greinir m.a. rannsóknarblaðamaðurinn Ben Swann eins og sést á myndbandinu hér að neðan.

Hochul undirritaði nýlega framkvæmdarskipun, þar sem þjóðvarðliðinu er gert skylt að koma í stað starfsmanna sjúkrahúsa, sem sagt hefur verið upp störfum.

Kathy Hochul sagði að „Eina leiðin til að komast út úr þessum heimsfaraldri er að tryggja, að allir sem mögulegt er, verði bólusettir og það þýðir einnig að sjá um viðkvæma fjölskyldumeðlimi okkar og ástvini.“

Í New York var búið að bólusetja yfir 84% starfsmanna sjúkrahúsa um mánaðarmótin. En Hochul sagði að það væri ekki nóg. „Ég mun undirrita framkvæmdarskipun til að veitir mér nauðsynlegar neyðarheimildir til að bregðast við þessum aðstæðum, hvar sem er.“

Hermenn þjóðvarðliðsins munu fara í störf í undirmönnuðum sjúkrahúsum, heilsugæslustöðvum og á hjúkrunarheimilum. Ekki er ljóst hverjir munu vinn störf þeirra hermanna sem fara frá þjóðvarðliðinu til hjúkrunarstarfa.

„mRNA bóluefnið er svar Guðs við bænum okkar”

Samkvæmt tölum smitsjúkdómavarnarstofnunarinnar CDC eru yfir 74% þeldökkir íbúar New York óbólusettir. Hochul sagði söfnuði í kristnu menningarmiðstöðinni í Brooklyn að „mRNA bóluefnið er svar Guðs við bænum okkar“.

„Ég bað mikið til Guðs á þessum tíma og veistu hvað, Guð svaraði bænum okkar“ sagði hún. “Hann lét snjöllustu menn og konur, vísindamennina, læknana, rannsóknarfólkið – hann lét þau koma með bóluefnið. Það er frá Guði til okkar og við verðum að segja, þakka þér, Guð. Þakka þér fyrir.”

Hochul hvatti söfnuðinn til að verða „postularnir“ sem breiða út fagnaðarerindið til annarra um að láta bólusetja sig.

„Gerist postular og farið út meðal fólks og boðið fagnaðarerindið um bóluefnin”

“Ég þarf á því að halda að þið verðið postularnir mínir. Ég vil að þið farið út og talið um það og segið, að við skuldum hvert öðru þetta. Við elskum hvert annað. Jesús kenndi okkur að elska hvert annað og hvernig sýnum við kærleikann nema með því að segja, vinsamlegast láttu bólusetja þig, því ég elska þig og ég vil, að þú lifir, ég vil að börnin okkar séu örugg þegar þau eru í skólanum, ég vil vera örugg þegar þú ferð til læknis eða á sjúkrahús og ert meðhöndlaður af einhverjum, því þú vilt ekki smitast með veiruna af þeim. Þú ert þegar veikur því annars myndir ekki vera þar. “

Hún bætti við að bólusettir séu „þeir snjöllu“ og að þeir óbólusettu „hlusti ekki á Guð og vilja Guð.“ Hochul, sem er demókrati, varð ríkisstjóri 24. ágúst eftir að forveri hennar, Andrew Cuomo, einnig demókrati, sagði af sér í mikilli skömm.

Fólk brást fljótt við fagnaðarerindinu á Twitter eins og fáein sýnishorn hér að neðan sanna.

Athugasemdir

athugasemdir

Deila