Rasmussen Reports birti nýja könnun á miðvikudag sem sýnir að 75% Bandaríkjamanna styðja lög um persónuskilríki kjósenda, þar af 60% kjósenda Demókrataflokksins og 89% kjósenda Repúblikanaflokksins.
Könnunin leiddi í ljós, að þrír af hverjum fjórum bandarískum kjósendum telja að krefjast eigi framvísunar skilríkja með mynd – eins og t.d. ökuskírteinis – svo viðkomandi geti kosið. Meirihluti óbundinna kjósenda, 77%, lýsti einnig yfir stuðningi við kröfu um skilríki kjósenda.
Stuðningur við persónuskilríki kjósenda er mikill þvert á litarhátt og þjóðlegan uppruna: 74% hvítra, 69% blökkumanna og 82% annarra minnihlutahópa sögðust vera fylgjandi því að krefjast skilríkja hjá kjósendum. Stuðningur við kröfur um persónuskilríki hefur farið vaxandi í könnunum undanfarin ár en var meiri ár 2010 þegar 82% studdu slíkar kröfur. 75% stuðningur þessa árs er meiri en 67% árið 2018 og 70% árið 2017.
60% segja að kjósendum sé ekki mismunað með kröfu um að sýna skilríki
Í könnuninni voru þátttakendur einnig spurðir, hvort þeir teldu að sumum kjósendum væri mismunað með kröfunni um skilríki. Vinstrimenn halda því fram, að skilríki takmarki kosningarétt og mismuni minnihlutahópum. 60% Bandaríkjamanna töldu ekki, að lög um persónuskilríki væri mismunun en 31% töldu svo vera og 10% voru ekki viss. 51% demókrata segja slíkar kröfur vera mismunun. 79% repúblikana og 67% óbundinna kjósenda telja ekki að verið sé að mismuna kjósendum með því að fá staðfest með skilríkjum, hverjir þeir eru á kjörstað.
Rasmussen könnunin var gerð með símaviðtölum og netkönnun meðal 1.000 væntanlegra kjósenda á landsvísu 14. og 15. mars. Könnunin er 95% örugg þegar skekkjumörk hafa verið dregin frá. Könnunin var gerð þegar H.R. 1 kosningalög demókrata fór frá fulldrúadeildinni til öldungadeildarinnar. Samkvæmt lagatillögunni nægir „að nota skriflega yfirlýsingu viðkomandi til að uppfylla skilyrði um auðkenni einstaklingsins.“ Verður ríkjum meinað að krefjast skilríkja við atkvæðagreiðslu og verða að samþykkja undirritaðar yfirlýsingar frá einstaklingum um að þeir séu þeir, sem þeir segjast vera. Demókratar segja frumvarpið vera afgerandi skref gegn kúgun kjósenda.
Fáranlegt að fullyrða að krafa um skilríki kúgi kjósendur
„Lýðræði okkar er í mikilli niðurníðslu,“ sagði forseti þingsins Nancy Pelosi (D-Kalifornía) eftir að frumvarpið var kynnt í janúar. „Í kosningunum 2020 þurftu Bandaríkjamenn að sigrast á hömlulausri kúgun á kjósendum, gerræðislegum vinnubrögðum og flóði óhreinna peninga til að ná fram hagsmunum eigendanna.“
Hans von Spakovsky, fv. nefndamaður alríkis kjörstjórnarinnar og nú heiðursmeðlimur Heritage Foundation, sagði við The Epoch Times í síðustu viku að fullyrðing um kúgun kjósenda væri „fáránleg staðhæfing“.
„Það er engin kúgun á kjósendum til staðar. Reyndar höfum við séð að kosningaþátttakan hefur stöðugt aukist í kosningum í Bandaríkjunum samtímis sem ríkin hafa verið að setja lög um kjósendur. “
Dinesh D’Souza, rithöfundur og kvikmyndagerðarmaður, hefur gagnrýnt rök demókrata um að skilríki kúgi kjósendur. skrifar hann á Twitter: „Að krefjast skilríkja fyrir flugverðir „takmarkar ekki ferðalög.“ Ekki frekar en að krafa um skilríki vegna hjúskaparleyfa „kúgi hjónabönd.“ Svo hvers vegna halda vinstri menn því fram, að kröfur um persónuskilríki til að verða gjaldgengir á kjörskrá „takmarki kosningaréttinn?“