Aðgerðasinnar krefjast að fá að koma með 572 ólöglega hælisleitendur í höfn innan ESB

Skipið Ocean Viking, sem er skráð í Noregi og tengt mannsmyglarasamtökunum SOS Mediterranee, krefst leyfis að fá að koma í höfn í ESB-ríki og hleypa 572 ólöglegum hælisleitendum frá borði. Áhöfnin hefur týnt upp fólkið á smáfleyjum fyrir utan strendur Líbýju að undanförnu.

Síðan Khadaffi stjórninni var velt úr stalli hefur landið verið tengiliður fyrir efnahagslega flóttamenn frá Afríku sem vilja komast til ESB. Nú krefjast samtökin SOS Mediterranee sem eiga skipið að fá að leggja í höfn í ESB ríki til að hleypa farmi 572 ólöglegra hælisleitenda á land. Fullyrða aðgerðasinnarnir að mikill hluti flóttamannanna séu börn en engin börn eða konur sjást á þeim myndum sem fréttastofur hafa tekið, flestir eru þess í stað ungir menn.

Tóku upp fólkið við strönd Líbýju

Samtökin fullyrða að þau hafi bjargað 369 flóttamönnum frá sökkvandi bátum en engar óháðar upplýsingar finnast sem staðfesta það. Einnig segja fulltrúar samtakanna að 71 flóttamanni hafi verið bjargað frá „yfirfullum“ báti og engar upplýsingar finnast heldur um slíkt eða um 132 aðra flóttamenn um borð í skipinu.

SOS Mediterranee varar við því, að innflytjendurnir geti orði „reiðir og ofbeldissinnaðir“ fái þeir ekki fljótlega að stíga í land. Hjúkrunarkona um borð í skipinu segir að “stressið aukist um borð“ og bendir á hitann og álag ferðalagsins á hina ólöglegu hælisleitendur.

Mörg ríki við Miðjarðarhaf neita að taka á móti hælisleitendunum

Ríki eins og Ítalía og Malta hafa áður neitað að verða við kröfum aðgerðarsinna sem taka beinan þátt í mannsmygli yfir Miðjarðarhaf. Segja þau að nær enginn sem kemst gegnum Líbýju hafi stöðu flóttamanns og þeir sem séu alvöru flóttamenn hafi þegar verið greindir í Afríku.

Ekkert land hefur enn, þegar þessi frétt er skrifuð, samþykkt kröfu mannsmyglaranna. Ocean Viking hefur áður verið með svipaðar aðgerðir og þau vilja breyta „svívirðilegri og ómannlegri flóttamannastefnu ESB.“

Athugasemdir

athugasemdir

Deila