Aðgerðir yfirvalda gegn Covid-19 eru löngu komnar út í öfgar og þjóna ekki lengur tilgangi sínum. Þetta var meðal þess sem fram kom í máli Jóhannesar Loftssonar verkfræðings og talsmanns Covidspyrnunnar í síðdegisútvarpinu í dag en hann var gestur Arnþrúðar Karlsdóttur.
Jóhannes segir að í stað þess að halda öllu samfélaginu í heljargreipum vegna sóttvarna væri betri leið að opna samfélagið upp á gátt og verja þá veikustu með þeim ráðum sem tiltæk eru. Hann bendir á að hraust ungt ólk veikist sjaldnast alvarlega af Covid-19 og því í raun ekki verjandi að beita þeim stöngu sóttvarnarráðstöfunum sem beitt hefur verið hérlendis.
Þá gagnrýnir Jóhannes harðlega að eldri borgarar hafi verið bólusettir allir svo til í einu án þess að svo mikið sem íhuga þær afleiðingar sem bólusetningin kunni að hafa á þá einstaklinga
“ bóluefnið hafi aldrei verið prófað á fólki og það var búið að gefa það út að það mætti ekki gefa mjög hrumu fólki lyfið og ekki fólki sem var á byrjunarstigi veikinda, samt er þetta gert„
Hlusta má á viðtalið í spilaranum hér að neðan
