Æðstuprestar síjamúslíma í Svíþjóð reka skipulagða vændisstarfssemi gegn greiðslu með s.k. „ánægjuhjónaböndum“

Sjía-múslimskir „ímamar“ eða æðstuprestar í Svíþjóð gifta konur í skyndihjónabönd og eru konurnar keyptar af körlum, sem vilja njóta tímabundins kynlífs. Ímamar fá oft greitt fyrir að hafa milligöngu um kynlífskaupin, segir í rannsóknarþætti sænska sjónvarpsins „Uppdrag granskning.“

Vændissala í nafni Allah

Þetta eru tímabundin svokölluð „ánægjuhjónabönd“ sem með blessun æðstaprestsins gera kaup á kynlífi halal, – það er að segja leyfilegt samkvæmt íslam.

Margar konur segja frá því, að leiðtogar sjía-múslima í Svíþjóð taki borgað fyrir að gifta fólk slíkum skyndihjónaböndum, sem einungis vara í skamma stund.

„Hann misbeitir valdi sínu og öllu því, sem ástandið býður upp á. Hann misnotar konur, sem eru í slæmri stöðu, þetta er ógeðslegt. Það er vændi, sem hann stundar. Hann hagar sér eins og melludólgur, segir „Maryam“.

„Uppdrag granskning“ hefur myndað 15 mismunandi sóknarfulltrúa sjía-múslima, þegar þeir bjóða starfsmönnum SVT „ánægjugiftingar.“ Athuguð voru um 40 af 60 síjamúslímskum samfélögum í Svíþjóð. Arabískt talandi kona og maður höfðu sambönd við æðstuprestana og konan þóttist vera í efnahagslegum vandræðum og sæi enga aðra leið til að fá tekjur en að selja sig. Maðurinn sagði, að eiginkona hans væri í heimalandinu og að hann vildi giftast um stundarsakir, þar til hún kæmi til Svíþjóðar. Sumir æðstuprestanna sýndu sjálfir áhuga að stunda kynlíf með konunni og samtals buðu 15 síjamúslímskir leiðtogar starfsmönnum sænska sjónvarpsins að giftast „ánægjuhjónaböndum.“ Einungis 4 síjamúslímskir leiðtogar tóku skýra afstöðu gegn slíkum athöfnum og sögðu þær „óhæfar.“

Vegna uppljóstrananna, þá hafa regnhlífasamtökin Íslamska Síja-samfélagsins í Svíþjóð ákveðið að frysta aðild að mörgum söfnuðum sínum.

Skyndi-kynlífshjónabönd fyrir innflytjendur sem hafa skilið konuna eftir í heimalandinu

Til viðbótar við ánægjuhjónabönd sem endast í klukkutíma fyrir eina kynlífsathöfn, eru einnig sjálfvirk upplausnarhjónabönd sem standa í viku eða mánuð fyrir múslimska manninn sem vill ástarsamband án þess að móðga Allah og Múhameð spámann. Í mörgum tilfellum er um að ræða karlmenn, sem hafa skilið eftir konur sínar í heimalandinu og vilja stunda kynlíf með öðrum konum, þar til eiginkona þeirra eða eiginkonur koma til Svíþjóðar.

Þar sem fyrirbærið er útbreitt og vel þekkt í múslimaheiminum, þá hafa lengi verið grunsemdir um, að fyrirbærið hafi einnig borist til Svíþjóðar með miklum innflutningi múslima. Þar sem þetta form vændis er gamall múslimskur siður, sem margir ímamar og iðkandi múslimar telja eiga stuðning í Kóraninum, kemur vændið inn í viðkvæma umræðu um hvað hægt sé að sætta sig við innan ramma sænsks trúfrelsis.

Hafa milligöngu um tímabundið barnaníð í barnahjónaböndum

Það kom í ljós, að ekki var einungis um „gleðihjónabönd“ fullorðinna karla og kvenna að ræða, heldur höfðu æðstuprestarnir einnig milligöngu um, að barnaníðingar gætu fundið börn til að níðast á í skyndi-barnahjónaböndum, sem síðar leystust upp af sjálfu sér.

Með hinn „fullkomna“ spámann Múhameð sem fyrirmynd, sem giftist á fimmtugsaldri hinni 9 ára gömlu Aishu, er víða svo litið á í múslimaheiminum, að það sé eðlilegt að eldri karlmenn giftist smábörnum. Barnahjónaböndin hafa síðan ratað inn í heim vændiskaupanna. Enn er ekki allt komið í ljós með, hvernig þetta barnaníð er framkvæmt í Svíþjóð.

Sænska sjónvarpið fór út fyrir landamæri Svíþjóðar í rannsóknum sínum og fann, að „ánægjuhjónaböndum“ múslima er miðlað sem hluti af starfsemi samfélaga og moska m.a. í Þýskalandi. Hollandi, Noregi, Danmörku og Englandi.

Í Svíþjóð fá moskur og samfélög sem taka þátt í slíkri starfsemi milljónaupphæðir á hverju ári í styrki frá ríki og sveitarfélögum. Bara á síðustu þremur árum hefur upphæðin numið um meira en 14 milljónir sænskra króna frá sænskum skattgreiðendum til starfseminnar.

Haider Ibrahim, formaður regnhlífarsamtakanna Islamic Shia Societies í Svíþjóð, segir í viðtali við sænska sjónvarpið, að honum hafi ekki verið kunnugt um að „ánægjuhjónagiftingar“ séu til staðar í þeim múslimasamfélögum sem hann ber mesta ábyrgð á. Hann lofar að athuga málið. Það getur meðal annars falist í því að sum múslímsku samfélögin fái skattframlög til sín fryst í bili en einnig að aðild að samtökunum verði tímabundið stöðvað.

1500 sænskar kr fyrir klukkutíma halal-kynlíf

Sænska sjónvarpið greinir frá því, að útsendu konunni sem sagðist eiga í fjárhagsvandræðum, var boðið að greiða skuld sína upp á 20.000 sænskar krónur gegn því að ganga í „ánægjuhjónaband“ og stunda kynlíf með múslimskum manni í tvo mánuði eða þar til von var á konu hans til Svíþjóðar.

Ennfremur er sagt, að verðið fyrir klukkutíma sæluhjónaband, sem blessað er af æðstaprestinum, sé 1.500 sænskar krónur.

Deila