Það er afar ólíklegt að Úkraínudeilan endi með stríði því það er enginn sem hefði sérstakan hag af því að stríð brytist út. Þetta var meðal þess sem fram kom í máli Vals Gunnarssonar sagnfræðings og blaðamanns í síðdegisútvarpinu í gær en hann var gestur Magnúsar Þórs Hafsteinssonar.
Valur bendir á að rússar myndi ekkert græða á því að fara í stríð heldur væri það mjög mikil áhætta fyrir þá, auk þess sem það sé fátt sem bendi til þess að rússar hafi sérstakan áhuga á að efna til átaka. Þá sé staðan í Úkraínu allt önnur en hún var þegar rússar tóku yfir Krímsskaga, þá hafi her Úkraínu verið afar götóttur þar sem spilltir leiðtogar höfðu selt nánast öll hergögn landsins:
„síðan það var þá er búið að vera að byggja upp og þjálfa herinn þannig hann er öflugri en áður og þá er lítið spennandi að leggja í orrustu við hann“ segir Valur.
Hlusta má á þáttinn í spilaranum hér að neðan
