Frank Ulrich Montgomery, formaður Alþjóða Læknasambandsins, kyndir enn frekar undir hræðslufárinu út af kórónuveirunni. Málar hann upp þá hræðslumynd, að veiran stökkbreytist þannig, að meira en annar hver eintstaklingur smitast. Til að koma í veg fyrir það, þá verða allir að láta bólusetja sig mörg ár í náinni framtíð.
Frank Ulrich Montgomery segir, að ný afbrigði eins og suðurafríkanska afbrigðið B.11.529, dugi til að sanna, að veiran mun verða langtum hættulegri en hún er í dag.
Í viðtali við þýska Welt segir Montgomery: „Ég hef mestar áhyggjur af því, að til sé afbrigði sem er jafn smitsamt og Delta og jafn hættulegt og ebóla.“ Samkvæmt sænsku Lýðheislunni getur Ebóla veiran drepið á milli 50-90% þeirra sem smitast af henni.
Mútur í lyfjabransanum eru „algjörlega eðlileg hegðun“
Montgomery reiknar með að dreifing smits í Þýskalandi muni fjórfaldast á næstu tíu dögum og segir að of seint sé að reyna að stöðva faraldurinn. Hann er sannfærður um nauðsyn bólusetninga í mörg komandi ár.
Ekki kemur fram í grein Welt, hvort Montgomery geti haft fjárhagslegan ávinning að kynda undir áhyggjur og óróleikann gagnvart covid. Hann hefur áður lýst yfir stuðningi við lækna, sem hefur verið mútað af lyfjafyrirtækjum. Montgomery var varaforseti þýska læknasambandsins ár 2009, þegar mikið mútuhneyksli lyfjafyrirtækisins Ratiopharm var í Þýskalandi.
Þá varði Montgomery tvo lækna, sem var mútað með þeirri athugasemd, að það væri „algjörlega eðlileg hegðun“ að sögn Spiegel. Læknarnir hlutu dóm ári seinna, háar sektir og skilyrt fangelsi.
