Andrés Ingi Jónsson hefur sagt skilið við þingflokk Vinstri grænna og ætlar að standa utan flokka það sem eftir lifir kjörtímabilsins. Þetta kom fram við upphaf þingfundar í dag þegar lesin var upp tilkynning frá Andrési.
Í viðtölum við fjölmiðla í dag hefur Andrés Ingi greint frá því að ástæðan fyrir ákvörðun hans sé fyrst og fremst til komin vegna óánægju hans með framtaksleysi ríkisstjórnarinnar í loftslags og útlendingamálum að hans mati og segir Samherjamálið ekki hafa haft úrslita áhrif á ákvörðun sína.