Nýlega lækkaði Standard Ethics alþjóðamat á Svíþjóð frá EEE til EEE-. Segir í tilkynningu fyrirtækisins að
„Svíþjóð fylgdi ekki tilmælum WHO í upphafi Covid-19 heimsfaraldursins. Skilgreinendur Standard Ethics telja að með þessu hafi áhætta íbúa Svíþjóðar og Evrópu aukist. Núverandi stefna í heilbrigðismálum virðist hluti almennrar stefnu sem afvíkur frá Evrópusambandinu”.
Standard Ethics hefur aðsetur í London og mælir ýmsa þætti samfélagsins byggðum á upplýsingum SÞ, OECD og ESB og eru upplýsingarnar m.a. notaðar sem grundvöllur fjárfesta í viðkomandi ríkjum.
Sænska sjónvarpið hrekur tölur lýðheilsunnar Lýðheilsan í Svíþjóð hefur fullyrt að þeir sjái enga sérstaka aukningu dánartalna á elliheimilum í kórónufaraldrinum. Sænska sjónvarpið athugaði málið og niðurstaðan varð allt önnur:
- Yfir 30% hærri dánartölur á heimilum aldraðra í allri Svíþjóð
- 100% fjölgun andláta á elliheimilum í Stokkhólmi
- 100% fjölgun andláta á einstaka elliheimilum í Borlänge, Gautaborg, Gävle og Linköping
- 62% fjölgun andláta í Västmanland, 41% fjölgun í Östergötland, 39% Jämtland og 37% fleiri andlát í Sörmlandi.