Verið að taka kosningarétt af fólki með framfærslu valds til ókjörinna alþjóðlegra stofnana
Þýska ESB-þingkonan Christine Anderson hélt ræðu í byrjun maí á ESB-þinginu um vaxandi völd alþjóðastofnana (sjá myndband neðar á síðunni):
„Afnám lýðræðisins heldur áfram hjá alþjóðlegu yfirstéttinni. Þann 3. mars fékk framkvæmdastjórn ESB heimild ráðsins til að endursemja samninginn við WHO fyrir hönd aðildarríkjanna. Í skjóli þess að bæta „viðbrögð við heimsfaraldri“ er ætlunin að leyfa WHO að taka framkvæmdavaldið frá aðildarríkjum ESB, ef heimsfaraldur kemur upp.“
Samkvæmt Anderson er þetta algjör andstæða þess, sem ESB og lýðræðisríki ættu að gera.
„Að framselja ríkisvald til ókjörinnar stofnunar er andstæða lýðræðislegra aðgerða og sviptir fólkið öllum tækifærum til að draga opinbera starfsmenn til ábyrgðar. Þetta þýðir ekkert minna en að fólk er svipt kosningaréttinum.
Við sem kjörnir fulltrúar þjóðarinnar megum ekki láta þetta viðgangast. Ég biðla til þín: Gerðu það sem þú varst kjörin til að gera. Farið yfir þetta. Verndaðu réttindi fólksins – vernda þá sem hafa kosið ykkur til að starfa í sinni þágu. Og við alla íbúa Evrópu vil ég segja: Bregðast við núna! Skrifaðu þingmönnum þínum. Láttu þá vita, að þú þolir ekki að vera sviptur rétti þínum til lýðræðis.
Láttu þá vita, að þingmaður sem styður eða kýs þetta, fær aldrei framar atkvæði þitt!“
Úrslitabarátta mannkyns fyrir frelsi sínu
Swebbtv hefur nýlega greint frá vaxandi áhrifum WHO.
Eftir að skilgreiningunni á „farsótt“ var breytt árið 2009 þarf heimsfaraldur ekki lengur að þýða að margir deyja úr sýkingu.
Daninn Mads Palsvig er meðskipuleggjandi ráðstefnunnar gegn Covid-harðstjórn – Norðurljósaþinginu – sem haldið verður í Malmö um helgina. Palsvig segir:
„Á hverjum vetri erum við með smitandi vírusa, þannig að það þýðir að WHO getur tilkynnt um heimsfaraldur einu sinni á ári ef þeir vilja.
Ef við undirritum sáttmála um að WHO sé æðri stjórnarskránni okkar, hvað munu þeir þá ekki geta sagt við ríkisstjórnir okkar? Að ekki megi lengur mótmæla? Að skyldubólusetningum verði komið á? Eða að stela eigi peningum frá mótmælendum eins og gert var í Kanada?
Þetta er síðasta barátta mannkyns fyrir frelsinu.“
