New York Post segir að 23 hafi dáið í Noregi eftir að hafa fengið bóluefni Pfizers gegn covid-19. Andlát 13 þeirra má rekja beint til bóluefnisins segir í sérstakri tilkynningu sem Lyfjastofnunin í Noregi sendi frá sér. Voru allir eldri yfir 80 ára og bjuggu á elliheimilum. Sigurd Hortemo yfirlæknir Lyfjastofnunarinnar segir að „venjulegar aukaverkanir eins og hiti og vanlíðan hafi haft þau áhrif sem leiddu til andláts.“
Segir í tilkynningu Lyfjastofnunarinnar að í þeim stóra hópi sem Pfeizer prófaði virkni bóluefnisins áður en það var sett á markaðinn hafi fáir verið með undirliggjandi sjúkdóma eða verið eldri en 85 ára. Norðmennirnir sem hafa dáið vegna sprautunnar tilheyra þeim hópi. Um 400 manns deyja vikulega á hjúkrunarheimilum og elliheimilum í Noregi.
Lyfjastofnun Noregs hefur uppfært leiðbeiningar um bólusetningu eldra, veiks fólks. Í dag hafa yfir 30 þúsund Normenn verið bólusettir annað hvort með bóluefni Pfizers eða Moderna. Yfir 57 þúsund hafa smitast og um 500 dáið í tengslum við kórónuveiruna skv. Johns Hopkins háskóla.
Læknir í Florida dó eftir bólusetningu
Fæðingarlæknirinn Dr. Gregory Michael var hraustur 56 ára gamall þegar hann var bólusettur 18. desember. 16 dögum síðar lést hann úr sjaldgæfum blóðsjúkdómi sem hann fékk eftir sprautuna. Jerry L. Spivak lyfjaprófessor og sérfræðingur í blóðsjúkdómum hjá Johns Hopkins háskólanum segir í viðtali við New York Times, að Michael hafi dáið vegna sprautunnar: „Ég tel að það sé læknisfræðilega sannað, að það sé samband við bóluefnið.“ Spivak segir að sjúkdómurinn ITP sé vissulega óvenjulegur en að fleiri geti samt sem áður fengið hann eftir að hafa tekið sprautuna.
Heidi Neckelmann eiginkona Dr. Gregory Michael segir á Facebook, að maður hennar hafi verið talsmaður bólusetningar en sjálfur verið fórnarlamb sprautunnar: „Mér finnst að fólk eigi að vera meðvitað um hvaða afleiðingar sprautan getur haft, hún er ekki góð fyrir alla og í þessu tilviki þá eyðilagði hún yndislegt líf hamingjusamrar fjölskyldu sem hafði áhrif í samfélaginu. Látið ekki dauða hans vera til ónýtis, vinsamlegast bjargið lífum með því að dreifa þessari frétt.“
