Það er grafalvarlegt að almenningur hafi verið gerður að tilraunadýrum í rannsókn á virki og áhrifum bóluefna gegn Covid og sé ekki upplýstur um málið. Þetta var meðal þess sem fram kom í máli Halls Hallssonar sagnfræðings og blaðamanns í síðdegisútvarpinu í dag en hann var þar gestur Arnþrúðar Karlsdóttur og Péturs Gunnlaugssonar.
Hallur segir að ljóst sé að miklu meira kapp sé lagt á áróður með bóluefnum og bólusetningu í stað þess að fræða almenning um hvað hann sé í raun að undirgangast með því að þiggja bólusetningu því um sé að ræða ilraun, sem almenningur sé alls ekkert upplýstur um, þannig sé almenningi ekki gefinn sá kostur að taka upplýsta ákvörðun þegar kemur að því að ákveða hvort þiggja eigi bólusetningu eða ekki.
Hallur segir að í raun séu það bóluefnaframleiðendur sem stjórni þessari för og þeir hafi fyrst og fremst sína hagsmuni í huga, um sé að ræða gríðarlega viðskiptalega hagsmuni að ræða og ljóst að bóluefnaframleiðendur græða á tá og fingri.
Hann hvetur stjórnvöld til þess að opinbera öll gögn og samninga sem gerðir hafa verið vegna kaupa á bóluefnum og opinbera hvernig tilraun fólk sé að taka þátt í.
“ þessi gögn þurfa að liggja fyrir svo almenningur geti tekið upplýsta ákvörðun, það er mjög mikilvægt að fólk fái að taka upplýsta ákvörðun hvað þetta varðar“ segir Hallur.
Hlusta má á viðtalið í spilaranum hér að neðan
