Anders Tegnell smitsjúkdómasérfræðingur Lýðheilsunnar í Svíþjóð sagði á blaðamannafundi í fyrri viku að „jafnvel nokkrir bólusettir“ deyja í covid-19, þar sem bóluefnin virka ekki „hundrað prósent.“ En samkvæmt útreikningum miðilsins Frjálsir Tímar, þá eru 70% þeirra bólusettir, sem deyja úr covid-19.
Tegnell tilkynnti um fjölda látinna, sem staðfest var að voru með covid-19, þegar þeir dóu, á blaðamannafundi Lýðheilsunnar. Þá ræddi hann hlutfall látinna eftir hvort þeir voru bólusettir eða óbólusettir. Tegnell sýndi graf sem hann lýsti þannig:
„Það sést hér að jafnvel nokkrir bólusettir hafa orðið fyrir þessu. Bæði er það vegna þess að bóluefnið virkar ekki hundrað prósent og einnig eru margir þeirra sem deyja eldri og veikburða á margan hátt og þá getur jafnvel bóluefni ekki bjargað þeim.“
Frjálsir tímar skrifar að það sé hrein blekking að halda því fram, að „jafnvel nokkrir bólusettir“ deyi með covid-19. Grafið sem Tegnell sýndi hafði engar nákvæmar tölur og því ómögulegt að sjá hlutfall bólusettra og óbólusettra í dánartölum.
Frjálsir tímar safnaði tölum frá Lýðheilsunni og skilgreindi þær með byrjun í viku 33 í fyrra þegar dánartíðnin jókst hratt og fram í viku 1 í ár en 756 einstaklingar með covid-19 dóu á tímabilinu. Af þeim látnu voru 529 bólusettir og 227 óbólusettir sem gerir hlutfall bólusettra í dánartölum um 70%. Tölur Lýðheilsunnar sýna einnig að yfirgnæfandi meirihluti bólusettra sem dóu höfðu fengið a.m.k.tvær sprautur.
Samkvæmt Lýðheilsunni hafa 83% Svía fengið tvær sprautur og 39% hafa fengið þrjár sprautur. Frjálsir Tímar hafa reynt að fá svör frá Lýðheilsunni, hvers vegna Anders Tegnell greindi ekki rétt frá dánartölum en Lýðheilsan hefur ekki svarða fyrirspurnum miðilsins enn þá.
