Anders Tegnell sóttvarnarsérfræðingur sænsku Lýðheilsunnar segir í viðtali við Expressen að hann telji að krafist verði bólusetningarskilríkja til að fólk fái að fara inn á veitingahús og ferðast í nánustu framtíð. Mikil umræða hefur verið um málið í Þýskalandi og hvort ætti að meina þeim sem ekki láta bólusetja sig aðgang að gjörgæsludeildum sjúkrahúsa veikist þeir alvarlega í covid-19. Hefur sú umræða kallað fram mótmæli frá andstæðingum bólusetningar.
Anders Tegnell segir að Svíþjóð hafi ekki fulla stjórn á reglum um ferðalög erlendis: „Það er ekki auðvelt að ákveða um slíkt og ekki bara við í Svíþjóð sem málið varðar.“ Ekki má neita sjúklingum um aðgang að gjörgæslum í Svíþjóð t.d. vegna offitu og ekki heldur fyrir að neita að láta bólusetja sig.
Margir læknar og hjúkrunarkonur láta ekki bólusetja sig
Margir læknar og aðrir með læknisfræðilega þekkingu taka oft ný bóluefni síðastir allra, því þeir gera sér grein fyrir hugsanlegum aukaverkunum og vita að hjarðónæmi mun vernda gegn smitsömum sjúkdómum svo lengi sem aðrir í samfélaginu láta bólusetja sig.
Upp undir helmingur lækna og hjúkrunarkvenna í Bandaríkjunum láta ekki bólusetja sig með bóluefni Pfizerfs af ótta við aukaverkanir að sögn LA Times. Gildir það í hópi lækna með forgöngu til bóluefnisins sem vinna með kórónusmitaða og eru því í meiri hættu að smitast sjálfir.
Aukaverkanir hræða
Í Mexíkó hófst fjöldabólusetning þann 29. desember. Einn læknanna sem var meðal þeirra fyrstu að fá bóluefni Pfeizers liggur núna á gjörgæslu eftir að hafa fengið alvarlegar aukaverkanir. Reuters greinir frá því að hún hafi fengið krampa, öndunarerfiðleika og útbrot á skinni bara um hálftíma eftir að hún fékk bóluefni sprautað í sig. SAmkvæmt heilsuyfirvöldum fékk læknirinn „encefalomyelit, sem er bólga í heila og hryggarmergi. La Prensa Latina segir að læknirinn hafi áður verið með ofnæmi.
Meira en 5 þúsund aukaverkanir komu í kjölfar bólusetninga með bóluefni Pfeizers og Moderna í Bandaríkjunum fram að 19. desember en þá höfðu 215 362 látið bólusetja sig.
Í Svíþjóð dó 85 ára gamall maður með undirliggjandi sjúkdóma daginn eftir að hann var bólusettur með bóluefni Pfizer/Biontecks. Yfirvöld sjá enga ástæðu til að hætta við bólusetningar en málið hefur verið kært og verður athugað.
Athuga skaðlegar verkanir á frjósemi karla
Háskólinn í Miami athugar mögulegt samband bóluefnis gegn kórónuveirunni og frjósemi karla en vitað er að veiran getur fundist í eistum karlmanna í allt að sex mánuði eftir smit. Rannsóknin er gerð til að fullvissa sig um að ekkert samband sé á milli bóluefnis og frjósemi.
