Það er afar fátt sem bendir til þess, að möguleg tengsl aukaverkana hjá konum við bólusetningar hafi verið nægilega rannsökuð og margt sem bendir til hins gagnstæða. Þetta var meðal þess sem fram kom í máli Arnars Þórs Jónssonar, lögmanns og varaþingmanns Sjálfstæðisflokksins og fyrrverandi héraðsdómara í síðdegisútvarpinu í dag en hann var gestur Arnþrúðar Karlsdóttur.
Arnar Þór hefur nú snúið sér aftur að lögmennsku og er með málflutningsréttindi á öllum dómstigum. Fyrsta málið sem Arnar Þór er komin með tengist truflunum á tíðarhring kvenna sem þær telja að séu aukaverkanir í kjölfar bólusetinga. Hátt á þriðja þúsund kvenna hafa gefið sig fram í facebookhóp sem telur sig hafa orðið fyrir alvarlegum röskunum eftir að hafa þegið bóluefnasprautur.
Arnar bendir á að hópur kvenna sem krafðist þess af Lyfjastofnun að það yrði kannað hvort einkenni sem þær hafi fengið eftir bólusetningu tengdust bólusetningunum hafi fengið svör undirritað af þremur sérfræðingum, svör sem Arnari þykja benda til þess að tengsl einkennana hafi ekki verið rannsökuð. Til dæmis er ekkert í svörum sérfræðinganna sem bendir til þess að rætt hafi verið við þær konur sem kvörtuðu undan einkennunum, þá er ekkert í svörunum sem gefur til kynna að svörin byggist á nokkurri alvöru rannsókn, það séu atriði sem séu svo alvarleg að það verði að kalla eftir nánari svörum. Hann muni kalla eftir skýrum svörum af hálfu Lyfjastofnunar og feliri aðilum eftir atvikum.
Þá ræddi Arnar í þættinum ábyrgð valdhafanna á sóttvörnum landsins sem nú bendi hver á annan, um það hver beri ábyrgðina, Svandís Svavarsdóttir heilbrigðisráðherra bendi á Þórólf Guðnason sóttvarnalækni og Þórólfur bendi á Svandísi og nú sé Þórólfur farinn að benda á að erlendir aðilar leggi þær línur sem farið sé eftir hér á landi.
“ það er reyndar athyglisvert að svo er Þórólfur farinn að benda á að það sé Sóttvarnastofnun Evrópu sem leggi línurnar, sem á alls ekki við hér, því það er alls ekki sama ástand hér og er uppi víða í Evrópu“ segir Arnar. Hann segir að ábyrgðin hljóti að vera hjá stjórnmálamönnum til þess séu þeir kjörnir, en í heila 18 mánuði hafi sérfræðingar séð um stjórn landsins meira eða minna.
Hlusta má á viðtalið í spilaranum hér að neðan
