Ef Bandaríkjaher myndi óska eftir því að fá að setja upp flotastöð á Íslandi myndi Brynjar Níelsson þingmaður Sjálfstæðisflokksins samþykkja það með glöðu geði. Þetta var meðal þess sem fram kom í máli Brynjars í síðdegisútvarpinu í dag en hann var gestur Magnúsar Þórs Hafsteinssonar ásamt Guðjóni S. Brjánssyni þingmanni Samfylkingarinnar.
Í þættinum var samstarf þjóða á alþjóðavettvangi til umfjöllunar. Sagði Brynjar í þættinum að það væri einfaldlega af hinu góða að þjóðir væru í varnarsamstarfi og það væri sjálfsagt mál að hýsa útstöð Bandaríkjahers yrði beðið um það
“ af hverju ættum við ekki að gera það?, það er bara sjálfsagt mál en þetta er nú alltaf spurning um hvað er uppi á teningnum hverju sinni hvort þetta sé yfirleitt í umræðunni, mér finnst þetta nú kannski ekki mikið í umræðunni nú um stundir, og kannski ekki nógu mikið að mínu mati„,segir Brynjar.
Hlusta má á viðtalið hér að neðan.
