Bandaríkjastjórn er að hella olíu á eld og kyndir ófriðarbálið á milli Rússlands og Úkraínu með því að senda mikið magn vopna til Úkraínu og æsa upp forseta Úkraínu gegn Rússum. Þetta var meðal þess sem fram kom í máli Hauks Haukssonar fréttamanns í Moskvu í þættinum Heimsmálin, fréttir og fréttatengt efni af erlendum vettvangi í dag en hann var viðmælandi Arnþrúðar Karlsdóttur.
Haukur segir Rússa vera við öllu viðbúna, þeir muni ekki ganga fram að fyrra bragði, vilji fremur róa málin en telja nauðsynlegt að grípa inn í með afgerandi hætti fari hersveitir í Úkraínu af stað í hernaðaraðgerðir, tilgangur með inngripum verði fyrst og fremst til þess að stöðva framgang mögulegrar styrjaldar sem gæti haft ófyrirsjáanlegar afleiðingar.
Haukur segir stríð milli landanna geta haft mjög alvarlegar afleiðingar, en það séu í raun stjórnvöld í Bandaríkjunum sem fjarstýri áhrifamönnum, forseta og embættismönnum Úkraínskra stjórnvalda í málinu og egni þeim gegn Rússum.
Þá segir Haukur að þeir sem hafi mikla hagsmuni af því að stríð fari af stað á svæðinu séu vopnaframleiðendur, Bidenstjórnin og orkurisarsem vilji útiloka að Rússar geti komið gasi sínu í verð. Þá sé einn augljós tilgangurinn vera að losna við Pútín forseta.
Hlusta má á þáttinn í spilaranum hér að neðan
