Bein útsending frá Bandaríkjunum á heimasíðu Útvarps Sögu

Atburðirnir í Bandaríkjunum eru sögulegir. Hart er tekist á um úrslit kosninganna. Mikill fjöldi Bandaríkjamanna hefur komið til Washington til að styðja raddir Repúblikana sem vilja að þingið taki kosningasvindlið fyrir og skipi eigin kjörstjórn til að rannsaka kosningasvindlið á tíu dögum og leggja niðurstöðurnar fyrir þingið.

https://www.ntd.com/live.html Ýtið á hlekkinn til vinstri til að sjá beina útsendingu ntd sem sýnir einnig myndir frá því sem gerist fyrir utan þingið

https://www.webcamtaxi.com/en/usa/washington-dc/united-states-capitol.html

Donald Trump ávarpaði fundargesti – allt að 250 þúsund manns og hvatti fólk til að láta í sér heyra fyrir utan þingið í dag svo þingmenn Repúblikana fyndu stuðning fólksins. Bað hann fundarmenn að gera það af festu og einhug og á friðsamlegan hátt. Lýsti hann enn á ný kosningasvikunum og sagðist vonast eftir því að málin fengju réttláta meðferð á þinginu.

Augu heims beinast að Bandaríkjaþingi í dag. Uppfærslur hér að neðan.

23.05 Nú gerum við hlé á fréttaflutningi, útgöngubann er komið á, við fylgjumst vel með atburðum áfram og höldum áfram á morgun. Fylgjast má einnig með frekari fréttum á hlekkjum að ofan.

23.03 George W. Bush tekur undir gagnrýni á Trump: „Ég er sleginn af þessari ábyrgðalausu hegðun sumra stjórnmálaleiðtoga okkar og skortinum á virðingu fyrir stofnunum okkar, hefðum og lögreglu.”

23.01 Trump skrifar á Twitter: „Slíkir atburðir sem þessir gerast þegar góður kosningasigur er á slæman hátt tekinn af þiklum föðurlandsvinum sem í lengri tíma hafa verið meðhöndlaðir svo illa. Farið heim í kærleika og friði. Minnist þessa dags að eilífu.”

23.00 Útigöngubann hafið en enn mótmælendur fyrir utan þinghúsið að sögn CNN.

23.00 CNN segir að 24 ára maður hafi fallið tíu metra niður og slasast alvarlega og er nú á sjúkrahúsi.

22. 54 CNN segir að búið sé að tryggja öryggi þinghússins.

22.50 Samkvæmt MSNBC er konan sem laugreglan skaut látin.

22.50 Jeff Merkley öldungardeildarþingmaður Demókrata segir að dugmiklir starfsmenn þingsins hafi bjargað töskum með atkvæðum kjörmanna. „Ef duglegir starfsmenn okkar hefðu ekki bjargað þeim þá hefði skríllinn brennt þá.”

22.47 New York Times segir að Ben Sasse öldungardeildarþingmaður Repúblikana frá Nebraska gagnrýni Trump harðlega: „Lygar hafa afleiðingar. Þetta ofbeldi er óhjákvæmilegur og ljótur árangur af starfi forsetans að stöðugt auka á sundrunguna í Bandaríkjunum.”

22.40 Samkvæmt New York Times hefur lögreglan í Washington tekið 5 byssur í vörslu sína og handtekið 13 manns.

22.31 Kamala Harris sameinast yfirlýsingum Joe Biden um að „lýðræðisstarfið verði að halda áfram.”

22.24 CNN segir óeirðalögreglu komna í þinghúsið og hafist handa við að koma mótmælendum úr byggingunni.

22.20 Utanríkisráðherra Íslands, Guðlaugur Þór Þórðarson, segir að „Fordæma beri sérhverja árás á lýðræðislegar stofnanir og veikingu laga og reglna. Virða beri úrslit lýðræðislegra kosninga.”

22.17 Atvinnuráðherra tístir eftirfarandi:

22.15 Dómsmálaráðherra Íslands skrifar á Twitter að „Trump verði að fordæma uppvöðsluseggi og krefjast þess að þeir hætti ofbeldismótmælum og yfirgefi þinghúsið.”

22.11 Forsætisráðherra Ísland tístir að „Árásin á þinghúsið sé árás á lýðræðið. Við vitnum róstursenur ofbeldis í Washington DC. Frelsi, lýðræði og virðingu verður að hafa í heiðri.”

22.10 CNN segir að friðsöm mótmæli stuðningsmanna Trumps fari fram á mörgum stöðum í landinu eins og Massachusett, Oregon, Georgia, Colorado og Kansas.

22.05 CNN segir skv. heimildum frá þingmönnum að óljóst sé hvenær hægt verði að hefja þingstörf aftur. Fyrst verði að ná tökum á þinghúsinu. Þingmenn voru fluttir á öruggan stað og skv. mörgum miðlum var farið með þá til herstöðvarinnar McNair.

22.01 Reuters segir að lögreglustjórinn í Washington DC staðfesti að borgari hafi verið skotinn inni í þinghúsinu.

22.00 Bill Still varaði við því fyrir nokkru að Antifa hygðist eyðileggja friðsöm mótmæli stuðningsmanna Trump

21.55 Paul Sperry tístir: „Fyrrum FBI fulltrúi við þinghúsið sendi mér skilaboð og staðfestir að „a.m.k. einn rútufarmur af Antifa meðlimum hafi laumað sér meðal friðsamlegra mótmælenda Trumps til að koma af stað spjöllum.”

21.50 The Epoch Times segir í frétt að Þjóðvarðliðið hafi farið að þinghúsinu eftir að „fólk klætt sem stuðningsmenn Trumps hafi stormað inn í þinghúsið og raskað störfum þingsins.” Blaðafulltrúi Hvíta Hússins kayleigh McEnany segir í yfirlýsingu að „Þjóðvarðliðið er að beiðni forsetans Donald Trumps á leiðinni ásamt öðrum öryggisvörðum.”

21.46 Reuters og CNBC segja að Twitter hafi ákveðið að stöðva fólk frá því að endurtísta eða líka við myndband Trump sem hann sendi til mótmælenda og bað þá að yfirgefa svæðið.

21.40 Ted Lieu Demókratískur þingmaður hvetur Pence til að virkja 25. grein stjórnarskrárinnar til að kasta Trump frá völdum.

21.35 Jan Hallenberg sænskur sérfræðingur í öryggismálum Bandaríkjanna segir við TT að ástandið í Bandaríkjunum er „alvarlegasta innríkispólitíska ástand síðan innbyrðisstríðið braust út 1861.”

21.35 Boris Johnson tístir „Til háborinnar skammar. Skammarlegir atburðir við Bandaríkjaþing. Bandaríkin standa fyrir lýðræði í heiminum og núna er mikilvægast að friðsöm og regluleg valdaskipti eigi sér stað.”

Á myndinni má sjá þegar lögregla ræðst til atlögu gegn mótmælanda með piparúða.

21.24 Mike Pence segir á Twitter að ofbeldinu verði að linna strax. „Allir innblandaðir verða að virða lögregluna og yfirgefa bygginguna tafarlaust.”

21.22 Talsmaður lögreglunnar segir við NBC að sprengja hafi fundist fyrir utan þinghúsið.

21.17 Trump hvetur stuðningsmenn til að fara heim og virða lög og reglu: „Ég veit að þið hafið þjást. Við héldum kosningar sem var stolið af okkur. Þetta var aafgerandi sigur og allir vita af því, sérstaklega á hinni hliðinni. En þið verðið að fara heim núna. Við verðum að hafa frið.”

Mótmælendur í öldungardeildinni

21.13 Joe Biden vitna í Abraham Lincoln og talar um lýðræðisarf Bandaríkjanna.

21.11 Joe Biden: „Lýðræðið er brothætt og það þarfnast leiðtoga sem þorir að standa upp fyrir það sem ekki hugsar um persónulegan hag svo það varðveitist.”

21.07 CBS News sýnir Joe Biden í beinni þar sem hann segir að „Lýðræðið er undir árás. Þetta eru engin mótmæli, þetta er uppreisn. Heimurinn horfir á eins og svo margir Bandaríkjamenn.” Biden hvetur Trump að bregðast við.

21.03 Reuters segir að Nancy Pelosi og Chuck Schumer leiðtogar Demókrata í þinginu krefjist þess að Donald Trump biðji mótmælendur að yfirgefa þinghúsið og svæðið núna samstundis.

21.01 Skv. heimildum CNN hafa fleiri lögreglumenn særst í uppþotinu við þinghúsið og a.m.k. einn farið á sjúkrahús.

20.59 Dómsmálaráðherra Svíþjóðar, Morgan Johansson, fordæmir uppþotið á Twitter: “Það sem er að gerast í Bandaríkjunum núna er ofboðslega alvarlegt.”

20.52 Sænska sjónvarpið birtir mynd af mótmælanda í stól á skrifstofu Nancy Pelosi. Á miða sem skilinn hefur verið eftir á skrifborði hennar stendur: „Við munum ekki gefa eftir.”

20.50 Joe Biden mun halda blaðamannafund bráðlega um atburðina í Washington DC.

20.48 Mike Pence: „Mótmælendur verða dregnir fyrir dóm.” Reuters segir að Mike Pence hafi tilkynnt að þeir mótmælendur sem hafi beitt ofbeldi í þinghúsinu verði dregnir fyrir dóm með öllum lagalegum leiðum.

Chuck Schumer leiðtogi Demókrata í Öldungardeildinni gagnrýnir tíst Donad Trumps um að stilla til friðar: „Of seint fyrir það finnst þér ekki?”

20.46 Virgina fylkið sendir þjóðvarðliða og 200 fylkisllögreglumenn til Washington að beiðni borgarstjórans, segir Reuters.

20.45 Utanríkisráðherra Þýskalands, Heiko Maas fordæmir uppþotið í Washington á Twitter: „Hlaðin orð breytast í ofbeldisverk…Vanvirðingin fyrir lýðræðinu er yfirgnæfandi.”

20.43 NBC News segir að lögreglan hafi skotið mann í þinghúsinu.

20.41 Reuters segir frá að repúblikaninn Kevin McCarthy hafi heyrt í útvarpi þingsins að skotum hafi verið hleypt af inni í byggingunni.

20.40 Stoltenberg skrifar að það verði að virða útkomu kosninganna og að hræðilegir hlutir gerist í Washington.

20.32 Donald Trump ítrekar beiðni um að allir við þinghúsið séu friðsamir. „Ekkert ofbeldi! Munum, VIÐ erum flokkur Laga & Reglna – virðið lögin og frábært bláljósastarfsfólk okkar. Takk fyrir!”

20.28 CNN og AP segja frá því að skv. óstaðfestum fréttum er kona sé alvarlega slösuð eftir að hafa verið skotin í brjóstið inni í þinghúsinu.

20.22 New York Times birtir mynd af konu með húfu með textanum „Make America Great Again”, bandaríska fánann á bak við skrifborð í Kapitolium

Lögreglumenn draga vopn í þinghúsinu

20.17 Fréttir berast að einn hafi verið skotinn inni í þinghúsinu og PBSO News Hour segir að „það sé líklega mótmælandi”

20.07 AFP hefur eftir þingmanni að táragasi var beitt í þinghúsbyggingunni og að lögreglan hafi notað vopn gegn mótmælendum.

20.05 Reuters segir að Nancy Pelosi forseti fulltrúardeildarinnar og borgarstjóri Washington DC hafa beðið þjóðvarðliðið um hjálp að rýma þinghúsið af mótmælendum.

20.00 NBC News segir að þingmenn hafi verið fluttir frá þinginu á „öruggan stað.”

19.56 Trump forseti tístir og biður mótmælendur að styðja lögregluna og skipulagningu lögreglunnar: „Þeir standa sannarlega við hlið landsins okkar. Verum friðsöm!”

19.50 Sænska sjónvarpið segir frá því að Þinghúsið hafi verið útrýmt og lokað eftir að fleiri mótmælendur hafa farið gegnum lokanir við þingsvæðið í Washington DC. CNBC og Washington Post segja að margir hafi brotið niður girðingar lögreglu og farið inn í þinghúsið Kapitolium. Umræður um atkvæði kjörmanna hefur verið frestað að sinni. Borgarstjóri Washington DC hefur lýst yfir útgöngubanni frá klukkan 6 í kvöld og til klukkan 6 í fyrramálið. Fréttir koma um að Pence hafi verið fluttur burtu frá þinginu vegna mótmælanna.

19.42 Hlé á útsendingum beggja deilda þingsins….

19.36 Smá hljóðbútur barst út en engin mynd, þannig að það virðist sem umræður séu á staðnum en engin útsending fjölmiðla….

19.34 Í annað sinn sem Öldurdeildin rýfur fund og langur tími líður án þess að sýnt sé frá neinum umræðum. Í fyrra skiptið var handagangur á þinginu, þingmenn hlupu úr salnum, komu inn, sumir pötuðu höndum og sögðu öðrum að vera rólegir…

Athugasemdir

athugasemdir

Deila