Fox News og aðrir fjölmiðlar segja frá nýju gælunafni Trumps á keppinauti sínum Joe Biden í framboði til forsetaembættis Bandaríkjanna: „Joe Hiden.“ Mætti þýða sem „Felu-Jói“ á íslensku. Ástæðan er sú að veikindi Joe Biden og ellihrörnun gera æ meir vart við sig, hann á erfitt með að muna nöfn og ártöl, getur varla haldið ræðu eða svarað einföldum spurningum án þess að þurfa að lesa svarið af textaskjá og þá oft með neyðarlegum mistökum eins og að lesa leiðbeiningar með texta upphátt sbr. myndband hér að neðan.
Kannanir sem áður hafa sýnt yfirburða sigurstöðu Joe Bidens sýna nú að Trump sé á hælum Bidens og kominn fram úr á mörgum stöðum. Vandræði forsetaframbjóðanda Demókrata eru nú orðin slík að orðrómur er á kreiki að hann verði sagður „vera veikur af kórónu“ til að sleppa við að þurfa að taka þátt í kappræðum við Donald Trump fyrir kjördag.
James Woods spáir því að Biden verði tekinn úr sviðsljósinu rétt fyrir opinberar kappræður forsetaframbjóðandanna og sagt „að hann hafi fengið kórónusmit og síðan batni honum daginn fyrir kjördag“. Þannig muni Joe Biden sleppa við að þurfa að mæta Trump í beinni útsendingu þar sem hann getur ekki lesið svörin beint af textaskjá.
Fræg lygi Joe Biden um að Donald Trump styddi rasista og nasista, þvert gegn yfirlýsingu Bandaríkjaforseta. Fólk er farið að sjá í gegnum þessa klæki Demókrata.