Bill Whittle segir engan rétt kjörinn forseta vera til staðar eftir forsetakosningarnar fyrr en 14. desember, þegar kjörmenn fylkjanna greiða forsetaframbjóðendunum atkvæði. Þá og fyrst þá er formlega ferlinu um úrskurð sigurvegara forsetakosninganna lokið og við tekur tímabil forsetaskipta ef annar en sitjandi er valinn. Síðan er nýr forseti settur formlega í embættið við hátíðlega athöfn þann 20. janúar 2021.
Á meðfylgjandi myndbandi sýnir Whittle nokkur dæmi um falsfréttir fjölmiðla sem sífellt tönnlast á „kjörnum“ forseta án þess að formlegu ferli atkvæðatalninga er lokið eða að kjörmenn hafi verið valdir. Segir Whittle að hann sjálfur, Joe Biden eða hver sem er séu ókjörnir forsetar samkvæmt stjórnarskrá Bandaríkjanna, þar til kjörmenn hafa formlega kosið löggiltan forseta 14. desember n.k.
New York Times segir tilnefningu Bandaríkjaforseta vera í höndum fjölmiðla
Strax eftir forsetakosningarnar skrifaði New York Times að „það væri hlutverk fjölmiðla að tilnefna sigurvegara forsetakosninganna.“ Lýsir Whittle því hvernig tilkynningar eins og þessar séu meðvitaðar tilraunir að hafa áhrif á úrslit kosninganna og afvegaleiða kjósendur til að trúa því að Biden hafi verið kjörinn forseti áður en búið er að telja öll atkvæði. Bendir hann m.a. á að sjónvarpsstöðin ABC er í eigu Disney sem í dag fær mestan hluta tekna sinna frá Kína og lýtur reglum kínverskra ráðamanna að gagnrýna aldrei Kína eða kommúnistaflokkinn. Það sé því ekkert skrýtið, þótt áhlaupið að gera Biden að „réttkjörnum“ forseta sé komið á fulla ferð löngu áður en talningu atkvæða lýkur og kjörmenn hafa greitt atkvæði sín um forsetaframbjóðandann.
Fjölmiðlar segja ósatt að sönnunargögn vanti um kosningasvik
Bill Whittle er ósáttur við meðvituð ósannindi fjölmiðla eins og ABC sem segja engar sannanir vera fyrir að kosningasvik hafi verið stunduð. Rekur hann í myndbandinu hér að neðan dæmi um slíkar lygar og er sláandi að sjá texta sem segir að fulltrúar kosninganna segi engin merki vera um kosningasvik á meðan Kristi Noem fylkisstjóri Suður-Dakota telur upp mörg dæmi kosningasvika í fylkinu. ABC skrifaði seinna á Twitter að Noem hefði ekki komið með neinar sannanir fyrir kosningasvindli sem var allt annað en það sem Noem sagði í viðtalinu við sjónvarpsstöðina.
Sonur Soros á fullu í kosningasvindli Demókrata – árás CNN á Trump: líkir honum við nasista í árásarherferð gegn Gyðingum
Á myndbandinu sjást myndir af syni George Soros með öllum helstu framámönnum Demókrata og fullyrðir Whittle að Soros hafi framreitt 34 milljarða dollara í því skyni að koma Bandaríkjunum á knén. Whittler lofar að halda áfram með afhjúpanir um falsfréttir miðla eins og ABC og hér fyrir ofan er tíst um árásir CNN á Donald Trump, þegar Amanpour fréttamaður CNN líkir Donald Trump við „morðóða nasista þegar þeir réðust á og drápu stóra hópa gyðinga á Kristallnóttinni forðum.“
