Gert er ráð fyrir því að meðal annars að rekið verði jógasetur í fyrirhugaðri Biodome glerhjúpsbyggingu sem gert er ráð fyrir að rísa muni í Elliðaár innan fárra ára. Þetta var meðal þess sem fram kom í máli Halldórs Páls Gíslasonar formanns Hollvinasamtaka Elliðaárdals í þætti Markúsar Þórhallssonar í dag.
Halldór segir að margir hafi undrast að lóð hafi verið úthlutað í Elliðaárdal fyrir slíkan glerhjúp, auk þess að gjaldskyld bílastæði sem gert sé ráð fyrir á svæðinu kalli á að bílum verði lagt inni í nálægum hverfum.
Halldór segir að enginn kalli eftir slíkri byggingu á þessum stað, valið á Elliðaárdal sé þó ekki eina undarlega staðsetningin sem boðin var af hálfu borgarinnar undir starfsemina, en meðal lóða voru norðurhluti Klambratúns, norðausturhluti lóðar Austurbæjarskóla á móti Sundhöll Reykjavíkur, Neðst í Fossvogsdal við Borgarspítalann, lóð við Háskólann í Reykjavík, og bílastæðið framan við Háskóla Íslands við hlið Norræna hússins.
Halldór segir að hann hafi verið mjög undrandi þegar hann heyrði af ofangreindum staðsetningum
“ ég verð að segja að ég varð alveg kjaftstopp„.
Smelltu hér til þess að skrifa undirskriftarlista þar sem þess er krafist að kosið verði um málið í íbúakosningu.
Hlusta má á þáttinn í spilaranum hér að neðan.