Milljarðamæringurinn Michael Bloomberg greiðir sektir glæpamanna sem sitja af sér dóm í fangelsi svo þeir geti kosið í forsetakosningunum. Nokkrar stórar sjónvarpsstöðvar taka þátt í þessum leik. Í Flórída fá fangar ekki kosningarétt ef þeir skulda ríkinu t.d. fyrir sektir og kostnað vegna réttarhalda. Með því að greiða skuldir fanganna fá þeir kosningaréttinn endurvirkjaðan og Blomberg vonast þá til að þeir kjósi Joe Biden.
Í Bandaríkjunum er það ekki samanlagður meirihluti atkvæða í heild sem ræður vali á forseta heldur meirihluti kosningafulltrúa fylkjanna. Hvert fylki hefur allt frá 3 upp í 55 kosningafulltrúa miðað við íbúatölu fylkisins. Kosningafulltrúarnir greiða allir með þeim frambjóðanda sem hefur fengið flest atkvæði innan fylkisins. Þess vegna getur það haft úrslitaþýðingu að vinna kosningarnar í fylkjum sem hafa flesta kosningafulltrúa. Stundum er mjótt á munum frambjóðenda í þessum fylkjum sem kallast „swing states.“
Florída er s.k. „swing state“ og Trump vann fylkið í síðustu forsetkosningum. Núna dælir Blomberg inn yfir 16 milljónum dollurum til að fá dæmda glæpamenn í Flórída að skrá sig á kjörskrá og kjósa. The Hill skrifar að Florida Rights Restoration Coalition sem vinnur með Blomberg hafi þegar borgað skuldir 32 000 glæpamanna.
Í síðustu viku lofuðu sjónvarpsstöðvar eins og MTV, VH1 og Comedy Central að senda samtals 250 þús. dollara í skuldagreiðslusjóð glæpamannanna og Michael Jordan lagði hálfa milljón dollara í sjóðinn. Margar kannanir sýna mjótt á milli Trumps og Biden í Flórída svo sjá verður þegar atkvæði eru talin hvort glæpamannaatkvæðin dugi til að tryggja Joe Biden sigurinn.
