Sænski athafnamaðurinn Lars Bern sem Útvarp Saga hefur áður sagt frá, skrifar í grein í Nya Dagbladet að bóluefni sé versti valkosturinn gegn veiru sem sífellt breytist. Segir hann forráðamenn lyfjafyrirtækja berjast gegn því, að hefðbundnir valkostir við bóluefnum eins og hydroxiklorokín og ivermectín, verði notað.
Lars Bern segir, að nokkrar af þeim prófessorum sem eru daglegar höfuðpersónur í áróðursmiðlum, lýsi því yfir að Svíþjóð hafi málað sjálft sig út í horn. Ástæðan sé að veiran breyti sér í sífellu og bóluefnin verða jafnvel duglaus. Segir Bern það vera misskilning hjá stjórnmálamönnum og hluta fræðasamfélagsins að halda að hægt sé með bóluefni að hindra útbreiðslu nýs vírus í heiminum.
„Rangt stefnuval er sú trú að með bóluefni sé hægt að hindra útbreiðslu veiru með sterka síbreytilega eiginleika. Það er ekki hægt! 60 ára reynsla ýmissa bóluefna gegn inflúensu sýnir þetta á afar skýran hátt.“
Lars hvetur fólk til að kynna sér málið og lesa m.a. bókina „Bóluefni“ eftir prófessor Peter Götzche.
„Svo af hverju hafa stjórnmálamenn í næstum öllum löndum valið þessa vonlausu stefnu? Svarið við spurningunni eru völdin og áhrifin sem lyfjaiðnaðarfyrirtækin hafa á stjórnmálastefnuna. Þau mæla að sjálfsögðu með þeirri stefnu sem er efnahagslega hagkvæmast fyrir þau sjálf. Bóluefnakaupin skapa hundruði milljarða dollara í skattfrjálsar tekjur til lyfjarisanna. Engin önnur stefna kemst nærri því.“
„Ókunnugir og hræddir stjórnmálamenn þora eða vilja ekki ganga gegn þeim ótrúlegu efnahagslegu áhrifum sem hagsmunaaðilar fjölbreytilegra lyfjafyrirtækja beita. Völdin á Vesturlöndum eru í dag að mestu leyti í höndum þeirra olígarka sem stjórna alþjóðlegu risafyrirtækjunum.“
Lars Bern bendir á Afríku en þar deyr minna en einn hundraðasti hluti í samanburði við þá sem deyja úr Covid-19 á Vesturlöndum í dag. Allflestir í Afríku taka hydroxiklodokin til að komast hjá malaríu.
„Lyfjaelítan ver miklu fé til að koma í veg fyrir að læknar lækni sjúklinga sína á einfaldan hátt. Niðurstaðan er skýr, – þeir sem hafa málað samfélag okkar út í horn eru í rauninni sérfræðingarnir sem fá borgað af samfélaginu svo við getum lifað heilsusamlegu lífi. Flestir þeirra velja samt að taka þátt í leik lyfjarisanna, sem græða áhættulausa hundruði milljarða dollara á kolvitlausri stefnu í baráttunni gegn síbreytilegri veiru. Eins og venjulega, þá verðum við sjálf að ábyrgjast heilsu okkar.“
