Bóluefnin sem notuð hafa verið gegn Covid eru algjörlega mislukkuð, endingatími þeirra hneykslanlega skammur, eru einungis sóun á almannafé og takmarkanir og hömlur gera það að verkum að faraldurinn dregst einungis á langinn. Þetta kemur fram í grein Sebastian Rushworth, sænsks læknis. Í síðdegisútvarpinu í dag ræddi Pétur Gunnlaugsson við Bjarna Jónsson rafmagnsverkfræðing um grein læknisins en Bjarni fjallar um málið á vefsetri sínu á blog.is
Í grein læknisins vísar hann í rannsókn sem gerð var af sænskum vísindamönnum þar sem markmiðið var að varpa ljósi á hversu skilvirk bóluefnin eru við að verja gagn covid til lengdar og í ljós kom við rannsóknina að bóluefnin hafi verið áhrifarík við að verjast covid með einkennum í 2 mánuði frá bólusetningu. Þetta sýndi líka tölfræðilega blinda rannsókn lyfjafyrirtækjanna og varð grundvöllur viðurkenningar á bóluefnunum til almennrar notkunar. Í heild nam lækkun hlutfallslegrar áhættu á 31-60 daga tímabili 89 %.
Hins vegar varð hröð lækkun á gagnsemi bólusetninganna eftir þessa fyrstu 2 mánuði. Eftir 4-6 mánuði frá bólusetningu lækkuðu bóluefnin hlutfallslegar líkur á smiti um 48 %, því segir læknirinn ljóst að verið sé að sólunda fé almennings því þegar allt kemur til alls sé það náttúrulegt ónæmi sem einungis mun veita nægilega góða vörn til lengri tíma litið.
Af því leiðir að með hömlum og takmörkunum verður töf á að hjarðónæmi náist og því dregst faraldurinn á langinn vegna þeirra.
Bjarni segir að af þessu megi ráða að niðurstaða læknisins sé þessi:
“ Bóluefnin eru miklu óskilvirkari en búizt var við upphaflega, og skilvirknin fellur hratt. Með þessa vitneskju í farteskinu er hugmyndin um, að hægt sé að bólusetja þjóðir til að losna við faraldurinn, hrein vitleysa. [Sóttvarnarlæknir og heilbrigðisráðherra Íslands (Svandís S.) halda þessari bölvaðri vitleysu enn að þjóðinni.] Eina leiðin til að losna við faraldurinn er, að nægilega margir smitist og þrói með sér náttúrulegt ónæmi, en þannig hafa allir undangengnir veirufaraldrar í öndunarfærum horfið. „
Hlusta má á þáttinn í spilaranum hér að neðan
