Bóluvegabréfið er stærsta árásin á persónufrelsið frá stofnun ESB

Alheimssambandið ID2020 vinnur að því að innleiða „rafrænt auðkennisforrit sem notar almenna bólusetningu sem vettvang fyrir stafræna sjálfsmynd.“

Forritið virkjar núverandi fæðingarskrár og bólusetningar til að skapa viðvarandi líffræðilega tengda stafræna sjálfsmynd frá fæðingu.

Stofnendur og samstarfsaðilar ID2020 eru m.a. Microsoft, Rockefeller Foundation og Alþjóðasamband bóluefna og bólusetningar (GAVI). ID2020 er hluti verkefnisins „World Governance“ sem sérfræðingar lýsa sem alþjóðlegu lögregluríki, verði það að raunveruleika. ESB hefur þegar hafið innleiðingu bóluefnavegabréfsins. Að neðan er aðeins saxað úr grein Peter Koenig og úr nýlegri grein danska lögfræðingsins Eric Sorensen. Báðir vara eindregið við markmiðum þeirra sem vilja líkt og brjáluðustu einræðisherrar ná stjórn á fólki með örtækjum í líkamanum sem tengjast 5G oh 6G neti framtíðarinnar. Eiga örtækin að vinna með heilabylgum viðkomandi einstaklinga, þannig að hægt sé með tölvu utanfrá að hafa áhrif á hegðun einstaklingsins. Velkomin í heim vísindaskáldsögunnar sem vissir aðilar vilja framkvæma í drápslóð Kínaveirunnar.

Þýskaland hefur samþykkt að nota ID2020

Auðkenni 2020 eða ID2020 er hannað af Bill Gates sem hluti af „bólusetningarpakka“ í samstarfi við Rockefeller Foundation, Accenture, WEF, GAVI og WHO auk fjölda þróunarríkja ásamt lyfjafyrirtækjum t.d. Johnson & Johnson, GlaxoSmithKline, Merck & Co.

Kórónunefnd Þýskalands, sem samanstendur af hundruðum læknum, veirufræðingum, ónæmissérfræðingum, háskólakennurum og lögfræðingum, þar á meðal Dr. Reiner Füllmich, hefur miklar áhyggjur af því, að núverandi kórónubóluefni (Pfizer, Moderna), geti innihaldið nanóagnir sem eru aðgengilegar rafsegulgeislun 5G og síðari 6G. Umræður um ID2020 eru víða um heim og hafa sum ríki eins og Þýskaland samþykkt að innleiða ID2020.

Bóluvegabréf ólöglegt í Danmörku að mati Sorensen

Eric Sorensen gerir að umtalsefni að ef dönsk yfirvöld samþykki bóluefnapassa, þá brjóti þau almenn mannréttindi. Vitnar hann í alþjóða samþykktir um mannréttindi, yfirlýsingar WHO og stöðu aðildarríkis ESB. Hann gagnrýnir ofurviðbrögð yfirvalda við sjúkdómnum miðað við dánartölur, sem sýna enga óvenjulega aukningu þrátt fyrir covid-19. Dánartölur í Danmörku skv. Eric eru 55.232 ár 2018, 53.958 ár 2019 og 54.645 ár 2020.

Hann vísar einnig til WHO sem segja, að engin trygging sé fyrir því að komast hjá smiti eða smita aðra eftir að hafa verið bólusettur. Einnig stökkbreytist veiran svo skjótt og oft að enginn veit, hvort núvarandi bóluefni verji gegn slíkum breytingum. Forstjóri Pfeizer sagði í viðtali, að líklega þyrfti a.m.k. þrjár sprautur til að fá fullar varnir gegn sjúkdómnum og síðan sprautu einu til tvisvar sinnum árlega eftir það. Sorensen færir að því ítarleg rök að bóluvegabréf í Danmörku sé mismunun gagnvart óbólusettu fólki og því ólöglegt. Grein Sorensen er full af tilvitnunum í lög og reglur bæði á alþjóða vísu, innan ESB og sérstaklega í Danmörku og röksemdarfærsla hans trúverðug í alla staði. Meira verður rætt um þessi mál í þættinum Heimsmál n.k. mánudag kl. 13.00 á Útvarpi Sögu.

Deila