Borgarstjóri Chicago: „Kynþáttahatur hvítra er lýðheilsukreppa”

Lori Lightfoot, borgarstjóri Chicago, hefur lýst því yfir, að útbreitt kynþáttahatur meðal hvítra íbúa í borginni sé „lýðheilsukreppa“ og því þurfi borgin að leggja tíu milljónir dala í að skapa fleiri s.k „réttlætissvæði.“

Þar sem lýðheilsunni stafar svo mikil hætta af rasisma hvítra íbúa Chicago að mati borgarstjórans, þá munu 10 milljónir dollara af fé frá Bandaríkjastjórn til baráttunnar gegn Covid-19 í staðinn verða notaðir til að framfylgja „and-rasisma“ stefnu borgarstjórnarinnar. Að mati borgarstjóranss stafar heilsufari borgarbúa ein stærsta hætta af kynþáttafordómum hvítra. 10 milljónir dollara skattgreiðenda fara í að búa til sérstök „réttlætissvæði“ og baráttu gegn „arfleifð Chicago á kerfisbundnu kynþáttahatri.“

Kynþáttahatur skilgreint sem „lýðheilsukreppa“

„Í næstum öll skipti í sögu borgar okkar hefur kynþáttahatur haft neikvæð áhrif á heilsu og líðan litaðra íbúa okkar – sérstaklega þeirra sem eru svartir” fullyrðir borgarstjórinn og útskýrir að það sé ástæðan fyrir því, að hún ákvað að kynþáttahatur verði í framhaldinu skilgreint sem „lýðheilsukreppa.“

Embættismenn og litaðir forystumenn munu fara vandlega yfir meinta kynþáttastefnu borgarinnar sem er talin hafa „skapað glundroða“ meðal íbúa blökkumanna og fólks frá Latínameríku. Þessi ákvörðun kemur í kjölfar nýrrar skýrslu sem segir, að blökkufólk lifi skemur en aðrir og líði af sykursýki og svipuðum sjúkdómum vegna óheilsusamlegs lífs.

Verið að ýta Chicago enn frekar út í óreiðusvaðið

Á nýju „réttlætissvæðunum“ verða opnaðar heilsugæslustöðvar og sjá blökkumenn úr hópum aðgerðasinna um rekstur þeirra að sögn RT. Demókratinn Raymond Lopez, sem hefur ítrekað gagnrýnt „and-kynþáttahaturs“ stefnu Lightfoot, hvetur borgarbúa til að láta ekki blekkjast og segir borgarstjórann leita eftir stuðningi við að ýta Chicago enn frekar út í óreiðusvaðið.

„Ekki láta blekkjast. Þessi yfirlýsing snýst ekki um kynþáttafordóma. Hún snýst um að hugga alla þá með „hvítt samviskubit“ því hún þarf á stuðningi þeirra að halda á sama tíma og borgin okkar fellur dýpra og dýpra í óreiðuna.”

Athugasemdir

athugasemdir

Deila