Colorado sjúkrahúsið neitar nýrnaígræðslu í óbólusetta konu

Leilani Lutali t.v. er neitað um nýrnaígræðslu með nýra frá nýrnagjafanum og vinkona hennar Jaimee Fougner t.h. Hvorugar þeirra eru bólusettar gegn Covid-19 og þær vilja ekki láta bólusetja sig. Ef þær finna ekki sjúkrahús sem vill gera nýrnaaðgerð á óbólusettum mun lífi Leilani ekki verða bjargað.

Nýjasta sagan um kúgun óbólusettra er skelfileg

Núna þegar um 56% Bandaríkjamanna eru bólusettir (sem er langt frá 70% markmiði Biden forseta 4. júlí), þá er tæplega helmingur landsmanna óbólusettur og verður sá minnihluti fyrir átakanlegum og ómanneskjulegum mismun, sem hrellir lífið á allan hátt. Núna t.d. er óbólusettum bannað að fara á veitingastaði og íþróttaleiki í vissum borgum Bandaríkjanna og krafist er bólupassa sbr. frétt ABC í tísti neðst á síðunni og frétt Buffalo Bill um bólupassa á Highmark Stadium.

Kona í Colorado með nýrnabilun á 5.a stigi á í erfiðleikum með að finna nýtt sjúkrahús, vegna þess að bæði hún og nýrnagjafinn hennar eru óbólusett. Hafa þau fengið 30 daga frest til að bólusetja sig eða vera tekin af biðlista sjúkrahússins og fá enga sjúkrahúsaþjónustu.

„Hvernig get ég leyft þeim að myrða vin minn, þegar ég er með nýrað sem hana vantar?”

UCHealth með höfuðstöðvar í Aurora, Colorado, hefur samþykkt nýjar reglur fyrir líffæraígræðslur, þar sem þess er krafist, að sjúklingar séu bólusettir að fullu. Jaimee Fougner, nýrnagjafi Leilani Lutali, sagði í viðtali við fréttastofu CBS4 í Colorado: “Hér er ég, reiðubúin að vera nýrnagjafinn hennar. Það hefur ekki áhrif á neinn annan sjúkling á ígræðslulistanum. Hvernig á ég að sitja hér og leyfa þeim að myrða vin minn, þegar ég er með fullkomið nýra, sem getur bjargað lífi hennar?”

Lutali fékk bréf frá UCHealth í síðustu viku með upplýsingum um, að hún og Fougner hefðu frest til loka október til að byrja að láta bólusetja sig, annars yrðu nöfn þeirra fjarlægð af listanum með nöfnum sjúklinga sem fara í líffæraígræðslur.

Skrifar undir áfrýjun ábyrgðar á öllu sem hugsanlega getur misfarist – en fær ekki að skrifa undir áfrýjun ábyrgðar fyrir að vera óbólusett

“Ég sagði að ég myndi skrifa undir læknisfræðilegt afsal vegna bóluefnanna. Ég verð hvort sem er að skrifa undir afsal fyrir sjálfa ígræðsluna og losa þá við ábyrgð á öllu, sem gæti mögulega farið úrskeiðis,” sagði Lutali. “Þetta er skurðaðgerð, þetta eru inngrip. Ég skrifa undir afsal fyrir lífi mínu. Ég skil ekki, hvers vegna ég fæ ekki að skrifa undir afsal vegna covid-bóluefnanna.”

Í ágúst s.l. sagði UCHealth við Lutali, að þess væri ekki krafist að fólk þyrfti að vera bólusett til að fara í skurðaðgerð. „Í lok ágúst staðfestu þeir, að ekki væri þörf á bólusetningu gegn Covid,“ sagði hún. „Skömmu síðar 28. september komst ég að því, vegna þess að Jamie frétti, að þeir hefðu kröfu varðandi bólusetningu bæði fyrir líffæragjafann og viðtakandann.“

Lutali fékk þetta bréf frá sjúkrahúsinu:

Vinkonurnar hittust í biblíunámi fyrir tæpu ári og hvort sem það er af trúarlegum ástæðum eða vegna margra óvissuþátta, þá neita þær að láta bólusetja sig. Fougner bætti við: “Það er þitt val að ákveða hvaða meðferð þú færð. Valkosturinn hefur verið tekinn frá Leilani. Lífi hennar er núna haldið í gíslingu vegna bólusetningarkröfunnar.”

Þær eru enn að leita að sjúkrahúsi í Colorado, sem framkvæmir skurðaðgerðir og líffæraflutninga fyrir óbólusett fólk. Þetta er nýjasta sagan í hryllilegri og vaxandi kúgun og mismunum gagnvart þeim óbólusettu. Að neðan má sjá mjög óvenjulegar frelsisskerðingar í landi þeirra frjálsu.

Athugasemdir

athugasemdir

Deila