„Covid–19 er gjöf Guðs til vinstri manna” segir Hollywood–stjarnan Jane Fonda – „Hvílík stórkostleg gjöf, hvílíkt stórkostlegt tækifæri, við erum svo heppin”

Jane Fonda er mikill aðdáandi Lofslags-Grétu og hefur verið á vikulegum mótmælum gegn lofslagsvánni og þá oft verið handtekin eins og sést á myndinni.

„Öreigar allra landa sameinist!” skrifaði Karl Marx í Kommúnistaávarpi sínu 1848. Varla ímyndaði hann sér þá, að tæpum tveimur öldum síðar kæmi fræg bandarísk kvikmyndaleikkona fram á sjónarsviðið og segði eina mannskæðustu veiru heimsins flytja áróður Kommúnistaávarpsins í genum sínum. Ummæli Fonda komu fram í viðræðuþættinum ET Live Canada.

Jane Fonda er á bólakafi í kosningabaráttunni fyrir Joe Biden forsetaframbjóðanda Demókrata. Segir hún komandi kosningar vera afgerandi fyrir bandarísku þjóðina. „COVID-19 er gjöf frá Guði” til Bandaríkjamanna „svo þeir skilji að Trump forseti er ekki að vinna fyrir verkalýðsstéttina.”

„Við erum fólk sem getum ákveðið í hvaða átt mannkynið fer. Hvílík stórkostleg gjöf, hvílíkt stórkostlegt tækifæri, við erum svo heppin, við verðum að nota þetta með hverju grammi af gáfum og hugrekki og þeim kostum sem við höfum,” sagði Fonda í myndbandi sem birtist á netinu.

Eitthvað virðist minninu vera farið að hrörna hjá þeirri gömlu, því hún gleymir því, að kórónuveiran fer ekki í manngreiningarálit og leggst því á fólk bæði með og á móti Trump Bandaríkjaforseta. Hún virðist einnig gleyma öllum fórnarlömbunum og þá sem eftir lifa og hafa þurft að sjá á eftir vinum, fjölskyldumeðlimum og ættingjum í gröfina vegna veirunnar. Og ekki varð fylgjendum Demókrata úr ósk sinni að „guðs gjöfin” gengi endanlega frá Trump.

Sjá nánar hér og hér

Athugasemdir

athugasemdir

Deila