Neyðarstjórn Reykjavíkurborgar hefur sent frá sér tilmæli þar sem mælst er til hertra takmarkana um heimsóknir á hjúkrunarheimili, þjónustuíbúðir eldri borgara og á sambýlum fatlaðra vegna aukinnar hættu á útbreiðslu Covid-19.
Tilmælin eru eftirfarandi:
Fólk sem hefur verið erlendis á EKKI að heimsækja íbúa í 14 daga eftir komu til landsins. Þetta gildir einnig þó ekki hafi greinst smit við sýnatöku á landamærum.
– Fólk sem hefur umgengist einstaklinga með smit á EKKI að heimsækja íbúa.
– Fólk sem finnur fyrir kvefi eða flensulíkum einkennum á EKKI að heimsækja íbúa.
Starfsfólk í þjónustuíbúðum fyrir aldraða, á hjúkrunarheimilum, íbúðakjörnum/sambýlum og heimaþjónustu fer eftir sömu tilmælum í starfi sínu.
Aðrir gestir geta heimsótt íbúa, en mikilvægt er að fyllstu varúðar sé gætt og samfélagssáttmáli hafður í heiðri.
Fram kemur í tilkynningu frá Reykjavíkurborg að staða mála verði endurmetin þann 13.júlí næstkomandi.
