Deutsche Bank riðar nú til falls, og hefur þegar sagt upp 18.000 starfsmönnum og hefur virði bankans hríðfallið að undanförnu.
Þetta var meðal þess sem fram kom í máli Guðmundar Franklín Jónssonar viðskiptafræðings og hótelstjóra í Danmörku í þættinum Heimsfréttir, fréttir og fréttatengt efni af erlendum vettvangi í gær en hann var viðmælandi Arnþrúðar Karlsdóttur.
Guðmundur segir hlutabréf í bankanum hafi fallið svo mikið að stutt sé í að hlutabréfin hætti að verða talin lánshæf og gerist það, sé þess ekki langt að bíða að örlög bankans verði ráðin
“ þetta hefur hríðfallið, komið niður í 7,50 evrur úr 95 evrum á nokkrum árum, og ef það fer niður fyrir 5 þá þýðir það að hlutabréfin eru ekki lengur lánshæf, þá koma lánshæfisköllin og þá er bankinn farinn, ég tel að þetta sé eitthvað sem væri áhugavert að fylgjast með í haust„,segir Guðmundur.
Hlusta má á þáttinn í spilaranum hér að neðan.