Dr. Robert Malone uppfinningarmaður mRNA tækninnar: Hættið tafarlaust COVID „bólusetningum”

Dr. Robert Malone, uppfinningamaður mRNA tækninnar sem notuð er í bóluefnum Pfizer og Moderna, segir í viðtali 24. júní við Del Bigtree hjá The Highwire „að tafarlaust eigi að stöðva COVID „bólusetningar” með mRNA tækni.” Dr. Robert Malone segir frá áhyggjum sínum „af hverju þetta er röng tækni sem notuð er gegn Covid-19 og sérstaklega þá miklu hættu sem hún hefur í för með sér fyrir ungt fólk.“ Sjá myndband neðst á síðunni með viðtalinu við Dr. Robert Malone.

Þegar vísindamaðurinn sem fann upp mRNA tæknina varar við því, að það sé ekki öruggt að nota þessa tækni, af hverju neyða bandarískir háskólar nemendur til að taka sprautuna? Af hverju er NFL að reyna að neyða leikmenn sína til að fá þessar hættulegu sprautur? Af hverju ætlar Fauci að þvinga þessu á æsku Ameríku – allt niður í hálfs árs aldur ?! Af hverju neyða bandarísku bankarnir helstu starfsmenn til að fá þessar sprautur? Af hverju neyða sjúkrahús starfsfólk sitt til að taka sprautuna? Af hverju bjóða ríki hvata til að tæla þá sem eru „hikandi“? Af hverju vill Biden að 70% Bandaríkjamanna verði bólusettir fyrir 4. júlí?

Ekki hægt að blekkja alla allan tímann

Hvaða vísindum fylgja allar þessar stofnanir? Dr. Robert Malone læknir er ekki fyrsti læknirinn eða vísindamaðurinn sem hefur alvarlegar áhyggjur af „bólusetningum gegn Covid-19.” Hann er í hópi fjölda framúrskarandi fólks sem vara við því, að bólusetningarnar séu lamandi og drepi metfjölda Bandaríkjamanna. Staða læknis Malone sem uppfinningamanns mRNA tækninnar veitir aðvörunum hans sérstaka þyngd.

Vandamálið sem blasir við, er að hvorki fjölmiðlar í Bandaríkjunum né netrisarnir vinna í þágu hagsmuna almennings í Bandaríkjunum né annars staðar. Þeir eru greinilega í fjötrum lyfjarisanna og þegja í hel spurningar um og andstöðu við „heilsufarsstefnu gegn Covid.“ Þeir segjast fylgja fyrirmælum Alþjóðaheilbrigðismálastofnunarinnar. Hins vegar varar WHO nú við COVID bólusetningum fyrir börn.

Sem betur fer segjast 46 prósent óbólusettra að þeir muni ekki láta bólusetja sig. Eins og Lincoln sagði: „Þú getur platað allt fólkið í einhvern tíma og sumt af fólkinu allan tímann en þú getur ekki blekkt allt fólkið allan tímann.“

Ríkisstjórnin er ekki gegnsæ varðandi COVID „bóluefni“

Dr. Robert Malone er uppfinningamaður mRNA stungulyfja og er álitinn einn fremsti sérfræðingur heims um þá tilraunatækni, sem lyfjafyrirtækin Pfizer og Moderna nota núna. Nýlega var myndbandi með Dr. Malone og áliti hans á afurðum fyrirtækjanna eytt af YouTube.

Hugsaðu um það. YouTube telur að Bandaríkjamenn og aðrir eigi ekki að fá að vita, að uppfinningamaður COVID „bóluefna“ tækninnar varar við því, að þessi sprautur feli í sér alvarlega áhættu – sérstaklega fyrir ungt fólk í Ameríku – og beri tafarlaust að stöðva. Hverjum þjónar YouTube – og allir aðrir ritskoðarar tæknirisanna og „staðreyndakönnuðir“ sem fjarlægja mikilvægar upplýsingar af netinu? Halda þeir bara hlífiskildi yfir lyfjarisunum?

Lyfjastofnun Bandaríkjanna setur viðvörun um hjartabólgur með „bóluefnunum”

Þann 24. júní síðastliðinn, eftir fund í öryggisnefnd bandarísku miðstöðvarinnar um sjúkdómsvarnir og forvarnir (CDC), viðurkenndi bandaríska matvæla- og lyfjastofnunin (FDA) „líklegt samband“ milli hjartabólgu hjá ungum fullorðnum og unglingum í kjölfar sprauta með Pfizer og Moderna. Í kjölfar þessarar tilkynningar lýsti FDA því yfir, að það myndi bæta við viðvörun um þessi skaðlegu áhrif á upplýsingablaði efnanna – en fullyrti að ávinningurinn af því að vera bólusettur vegi enn þyngra en hugsanlegar áhættur.

Smellið á myndbandið hér að neðan til að hlusta á viðtalið við Dr. Robert Malone

Athugasemdir

athugasemdir

Deila