Það á ekki að eyðileggja náttúruperlu eins og Elliðaárdalinn með Bio dome byggingu og kjarninn er að borgaryfirvöld eiga að láta dalinn í friði eins og hann er í dag.
Þetta var meðal þess sem fram kom í máli Vilhjálms Þ Vilhjálmssonar fyrrverandi borgarstjóra í síðdegisútvarpinu í dag en hann var gestur Péturs Gunnlaugssonar.
Vilhjálmur segist í raun ekkert skilja hvað meirihlutanum í borginni gangi til með verkefninu
“ ég hef ekki heyrt um að nokkur hafi beðið um þessa gróðurhvelfingu, þetta er illskiljanlegt„.
Þá segir Vilhjálmur yfirgang borgarinnar vera að finna víða
“ til dæmis er framkoma borgaryfirvalda í garð kaupmanna og íbúa á Laugavegi ekkert annað en ófyrirgefanlegur gengdarlaus yfirgangur og frekja og þeir hafa ekkert samráð við þá kaupmenn sem hafa verið þarna í áratugi né nokkurn annan„.
Hlusta má á viðtalið í spilaranum hér að neðan.
