Enn ein lygafréttin um Trump leiðrétt: Myndataka af Trump fyrir utan forsetakirkjuna var ekki ástæðan fyrir aðgerðum lögreglunnar gegn mótmælendum

Fræg mynd af fv. forseta Bandaríkjanna Donald Trump fyrir utan St. John´s kirkjuna sem kölluð er forsetakirkjan. Núna hefur skýrsla verið birt sem segir, að ásakanir hafi verið rangar um að Trump hafi skipað „árás á friðsama mótmældendur” til að taka myndina.

Alltaf er að koma betur í ljós hvernig lygavefur meginfjölmiðla í hatri og heift gegn fyrrverandi forseta Bandaríkjanna, Donald Trump, hefur spunnið og dreift falsfréttum um hann til að mála hann upp sem hræðilega persónu, sem allir ættu að forðast.

Trump vildi sýna að óeirðarseggjum tækist ekki að eyðileggja forsetakirkjuna

Fyrsta júní 2020 tók fv. forseti Donald Trump stuttan göngutúr frá Hvíta húsinu að St. John kirkjunni og var þar tekin mynd af honum með Biblíuna í hægri hendi sem farið hefur út um allan heim. Ástæðan fyrir myndatökunni var sú (sjá myndband að neðan), að Black lives matters m.fl. hafði kvöldið áður ráðist á kirkjuna, brennt bandaríska fánann og kveikt í kirkjunni í kjölfar uppþota eftir dauða George Floyd. Trump lét taka mynd af sér fyrir utan kirkjuna í virðingarskyni við forsetakirkjuna sem byggð var 1816 og hefur þjónað forsetum Bandaríkjanna alla tíð síðan. Má líta svo á, að myndin af Trump séu hans mótmæli við árásinni á kirkjuna og einnig táknræn skilaboð til óeirðaseggja, að þeim muni ekki takast að eyðileggja og brenna niður stofnanir samfélagsins, hvað þá sjálfa forsetakirkjuna.

Myndband af árás Black lives matter á Forsetakirkjuna, þegar bandaríski fáninn var brenndur og kveikt í kirkjunni.

Joe Biden og fjölmiðlar dreifðu þeirri lygasögu að Trump hefði látið hreinsa garðinn svo hann gæti gengið til myndatöku hjá kirkjunni – óvandaðir miðlar og menn átu það hrátt eftir

Skömmu áður en Trump gekk til ljósmyndatökunnar við kirkjuna voru átök milli lögreglu og mótmælenda í Lafayette garðinum og lýstu helstu fjölmiðlar því sem árásum lögreglunnar á friðsöm mótmæli við Hvíta húsið. (Svo friðsöm að öryggisverðir forsetans fóru með hann í öryggisherbergi Hvíta hússins um tíma). Fjölmiðlar um allan heim sögðu þá sögu að hinn vondi forseti hefði skipað lögreglunni að hreinsa Lafayette garðinn áður en hann gekk til forsetakirkjunnar fyrir myndatökuna. Var sú saga sögð að Trump hefði „sigað vopnaðri lögreglu með táragasi til að berja á friðsömum mótmælendum” í garðinum. Úr herbúðum Joe Biden var þeirri lygi dreift, að „Trump ætlaði að nota herinn gegn Bandaríkjamönnum.” Þessa lygasögu spunnu margir áfram víða í heiminum bæði fjölmiðlar og stjórnmálamenn t.d. Björn Bjarnason Sjálfstæðisflokki sem skrifaði á bloggi sínu daginn eftir „að nú á örlagastund hvetur hann (Trump) til hörku og átaka úr Hvíta húsinu í stað þess að reyna að sætta þjóðina.”

Sænska sjónvarpið breytir afstöðu í málinu – fjölmiðlar verða að éta hattinn sinn

Sænska sjónvarpið sem einnig gaf svipaða sýn um atburðina í fyrra hefur nú birt leiðréttingarfrétt, þar sem borin er til baka sú ásökun, að Trump hafi skipað lögreglunni að ráðast gegn mótmælendum fyrir utan Hvíta húsið fyrir myndatökuna. Á miðvikudaginn var birt niðurstaða opinberrar rannsóknar innanríkisráðuneytis Bandaríkjanna á málinu og því slegið föstu, að átök lögreglu og mótmælenda höfðu ekkert samband við ákvörðun forsetans að taka mynd af sér við kirkjuna. Lögreglan hafði löngu áður tekið ákvörðun um að setja girðingu í garðinn og þurfti að rýma hann til þess að verktaki gæti framkvæmt vinnu sína.

Skv. Daily Mail lýsti Donald Trump því yfir á miðvikudag, að hann hefði „algjörlega og fullkomlega verið hreinsaður af öllum ásökunum” eftir að yfirmaður innanríkisráðuneytisins birti skýrsluna. Niðurstaða skýrslunnar er, að lögreglan þrýsti mótmælendum burtu fyrir framan Lafayette Park svo verktaki gæti sett upp girðingar en ekki til þess að Trump gæti látið mynda sig við kirkjuna. Verður fróðlegt að fylgjast með því, hvort íslenskir fjölmiðlar og einsntaklingar, sem fjölrituðu lygar Bidens, munu birta sannleikann um málið núna, þegar skýrslan er orðin opinber.

Athugasemdir

athugasemdir

Deila