Eftirfarandi grein birtist á bloggi Kristínar Ingu Þormar:
Geta sprauturnar valdið blóðtöppum í börnum? Svarið er því miður já.
Frétt á RÚV 16. september síðastliðinn:
„Unglingsdrengurinn sem liggur á Barnaspítalanum var að ljúka einangrun þegar hann var lagður inn í gær. Líðan hans er stöðug og ekki er búist við að hann þurfi að liggja inni í marga daga. Hann veiktist nokkrum dögum eftir fyrsta skammt af bóluefni.“ (Áherslubreytingin er mín.)
Í Fréttablaðinu í dag er viðtal við foreldra drengsins:
„Daníel Indriðason, 14 ára, var greindur með kvíðakast á heilsugæslunni á mánudag og var honum sagt að fara heim að hvíla sig. Foreldrar hans, Indriði Björnsson og Rikke Pedersen, fóru með hann á Barnaspítalann á þriðjudagsmorgni þar sem blóðtappar í báðum lungum drengsins komu í ljós.“ (Áherslubreytingin er mín.)
Er þetta tóm tilviljun eins og allt annað í þessum „heimsfaraldri“, aldrei neitt sem bendir til tenginga milli sprautanna og aukaverkana?
Ragnar Reykás
Trúverðugleiki sóttvarnarlæknis okkar er löngu fokinn út í buskann. Í viðtali 14. apríl 2020 sagði hann:
„Það þarf að tryggja að nýtt bóluefni valdi ekki skaða“.
Og hver er staðan núna? 3.188 tilkynningar um aukaverkanir hafa borist, þar af 170 lífshættulegar, og 31 andlát. Hvað ætli falli undir skaða í hans orðabók?
Viðtal við hann 14. júlí síðastliðinn:
„Sóttvarnalæknir ætlar ekki að mæla með almennum bólusetningum hraustra barna að svo stöddu. Lyfjastofnun Evrópu (EMA) hefur skorið úr um að aukin tíðni gollurshússbólgu (e. pericardititis) og hjartavöðvabólgu (e. myocarditis) sé eftir bólusetningu með mRNA bóluefnunum Comirnaty (Pfizer/BioNTech) og Spikevax (Moderna). Þetta kemur fram í tilkynningu frá sóttvarnalækni sem birt er á vef Landlæknis.“
Viðtal við hann 23. ágúst síðastliðinn:
„Sóttvarnayfirvöld hér á landi mæla heilshugar með því að foreldrar þiggi boð um að bólusetja börn sín. Skipulögð bólusetning barna á aldrinum 12-15 ára hófst í Laugardalshöll í dag.
Þórólfur segir markmið sóttvarnayfirvalda með bólusetningu barna vera að verja þau gegn alvarlegum áhrifum veirunnar, sem nú séu enn skæðari með tilkomu Delta-afbrigðisins.
Hann segir að markmið með bólusetningu barna sé líka að reyna að minnka útbreiðslu smita í samfélaginu, þótt það sé ekki síður mikilvægt markmið nú þegar ljóst er að virkni bóluefna til þess sé minni en vonast var til.“
Hvers vegna urðu þessi sinnaskipti hjá honum?
Komu einhver ný „VÍSINDI“ fram á þessum rúma mánuði? Hann er búinn að vera margsaga í þessum „heimsfaraldri“ eins og hinn bandaríski kollegi hans.
Það er löngu búið að sýna fram á að börn eru í nánast engri hættu á að deyja vegna veikinda vegna þessarar veiru, og nú eru þau að vekjast EFTIR þessar sprautur, og jafnvel lífshættulega!
Bóluefnin eru að drepa og örkumla metfjölda ungmenna – ung börn eru næst!
Þetta segir í nýlega birtri grein. Verða þetta líka örlög einhverra þeirra barna sem þegar er búið að sprauta með þessum tilraunaefnum hér á landi?
Þórólfur og öll þau sem nörruðu fyrst meiri hluta fullorðins fólks í þessar sprautur, og núna líka börnin, eru sek um að brjóta öll lög og allar siðareglur sem hægt er að brjóta gagnvart þjóð sinni.
Búið er að safna saman mörgum sönnunargögnum um það sem verða birt áður en langt um líður.
