Verið er að nota almenning hér á landi sem tilraunadýr í rannsókn og tilraunum með bóluefni án vitundar þeirra sem þiggja bóluefni. Þetta var meðal þess sem fram kom í síðdegisútvarpinu í dag en þar var umfjöllunarefnið virkni lyfsins Ivermectin gegn Covid-19 og þær rannsóknir sem gerðar hafa verið á lyfinu og virkni þess en Guðmundur Karl Snæbjörnsson sérfræðingur í heimilislækningum var gestur Arnþrúðar Karlsdóttur í þættinum.
Guðmundur segir að ákveðin þöggun ríki um Ivermectin lyfið og góða virkni þess gegn Covid-19, en umræðan alment um Covid hafi einkennst af upplýsingaóreiðu, miklum upplýsingaskorti af hálfu stjórnvalda og þöggun.
Hann segir Covid-19 faraldurinn hafa afhjúpað svolítið samfélögin og einstaklingana sem þau byggja, reynt sé að þagga niður ákveðnar raddir sem ekki fylgi fjöldanum og „réttri“ skoðun og þá sé oft gert lítið úr þeim einstaaklingum sem setja fram gagnrýnar spurningar.
Hluti af þeirri þöggun birtist í því að verið sé að gera tilraunir og rannsóknir á fólki og áhrif bóluefni á það án vitundar þess og án þess að leyfi til slíkra rannsókna liggi fyrir. Þá sé sms sem fólki er sent í aðdraganda bólusetningar látið líta svo út fyrir að bólusetning sé skylda, þrátt fyrir að staðreyndin sé sú að hver og einn getur hafnað því að fá bóluefnið kjósi einstaklingur svo.
„þarna er auðvitað verið að brjóta gagnvart fólki og þetta er mjög alvarlegt mál„
Hlusta má á þáttinn í spilaranum hér að neðan
