ESB setur Ungverjalandi úrslitakosti: Opnið landið fyrir samtökum George Soros eða borgið háar fjársektir

Viktor Orbán til vinstri hefur sett auðkýfingnum George Soros stólinn fyrir dyrnar með áróðursstarfsemi í Ungverjalandi. Núna vill ESB þvinga Ungverjaland til eftirgjafar við George Soros.

Reuters segir frá því að ESB hóti Ungverjalandi með háum fjársektum ef Ungverjaland breyti ekki lögum sem krefjast þess að einkasamtök geri grein fyrir erlendum eigendum og fjármagni í starfseminni. Fær Ungverjaland 2 mánuði til að breyta lögunum annars sektar ESB með háum fjárhæðum.

Ár 2017 setti Ungverjaland lög sem m.a. krefjast skráningar einkasamtaka (ekki á vegum ríkisins) og verða slík samtök að gera grein fyrir erlendum eigendum og fjármagni sem notað er í starfinu. Lögin hafa verið talin aðferð Ungverjalands til að stöðva stjórnmálaáróður og starfsemi George Soros í landinu. Soros vill breyta Ungverjalandi í fjölmenningarland að dæmi Svíþjóðar og annarra landa í Vestur-Evrópu.

ESB-dómstóllinn dæmdi í fyrra að lögin í Ungverjalandi brjóti gegn reglum sambandsins um frelsi fjármagns í sambandinu. Núna hefur ESB ákveðið að setja Ungverjalandi þann úrslitakost að breyta lögunum innan tveggja mánaða eða verða sektað.

Vera Jourova aðstoðarformaður framkvæmdarstjórnar ESB segir að „borgaraleg samtök eru órjúfanlegur þáttur lýðræðisins. Við verðum að styðja við bakið á þeim en ekki vinna gegn þeim.”

Athugasemdir

athugasemdir

Deila