Facebook lokaði fyrir myndbönd Fox News með viðtölum við Dr. Li-Meng – má ekki ljóstra upp að kórónuveiran sé búin til á rannsóknarstofu

Upplýsingastríðið harðnar í heiminum og fer þar Kommúnistaflokkur Kína í fararbroddi gegn frjálsri umræðu Vesturlanda – bæði í Bandaríkjunum sem annars staðar. Vegna viðskiptasamninga netrisanna, sem fá borgað fyrir að aðstoða stærsta ríki í heimi að kúga eigin landsmenn, virðast heimatök kínverskra kommúnista vera hæg til að ritskoða netið.

Nýjasta dæmið er viðtal Tucker Carlson hjá Fox News við kínverska lækninn og uppljóstrarann Dr. Li-Meng Yan sem útvarp SAGA greindi nýlega frá. Dr. Li-Meng Yan upplýsir heiminn um niðurstöður rannsókna sinna og annarra kínverskra vísindamanna sem birt hafa sönnunargögn um að kórónuveiran er gerð af manna höndum í rannsóknarstofu kínverska hersins í Wuhan.

Twitter lokaði síðu Dr. Li-Meng þegar hún birti sönnunargögnin þar og núna eftir viðtalið við Tucker Carlson hjá Fox News þar sem hún greindi frá rannsóknum sínum um kórónuveiruna og útlegð frá Kína, þá ritskoðaði Facebook síðu Tucker Carlson sem sýndi hluta viðtalsins. Dr. Li-Meng sagði m.a. við Tucker að Kommúnistaflokkur Kína reyndi að „láta sig hverfa” og líf hennar væri í hættu. Hún sagði að SARS-CoV-2 færi „frankensteinveira hönnuð sem efnavopn til að ráðast á fólk og hefði verið dreift af ásetningi.” Þetta vill Facebook ekki að nái fram til fólks. Fólk á að trúa frásögn ráðamanna Kommúnistaflokks Kína um að veiran hafi komið á „eðlilegan hátt frá dýrum til manna.”

Facebook ritskoðaði myndband með hluta viðtals við kínverska lækninn Dr. Li-Meng Yan sem birt hefur sannanir fyrir því að kórónuveiran var búin til að rannsóknarstofu kínverska hersins í Wuhan.

Svipuð skilaboð einnig ritskoðuð á Facebook síðu Tucker Carlsson með 2,5 milljónir fylgjendur.

Greinilegt er að tekjur Facebook frá Kína ráða meira en tekur fyrirtækisins frá öðrum löndum. Fyrirtækið tekur virkan þátt í baráttunni til að koma í veg fyrir að Donald Trump verði endurkjörinn forseti Bandaríkjanna sem fellur vel að stefnu kínverskra kommúnista sem vilja fá Joe Biden sem forseta.

Athugasemdir

athugasemdir

Deila