Jón Baldvin Hannibalsson fyrrverandi utanríkisráðherra og forgöngumaður þess að árið 1991 viðurkenndi Ísland fyrst ríkja og lýsti yfir sjálfstæði Eystrasaltsríkjanna segir að hann hafi ekki fengið boðskort á sérstaka hátíðardagskrá þar sem sjálfstæðisyfirlýsingarinnar verður minnst fyrr en Sighvatur Björgvinsson fyrrverandi ráðherra hafði fært fram athugasemdir við skipuleggjendur, þ,e forsetaembættið að Jóni væri ekki boðið. Þetta kom fram í máli Jóns í síðdegisútvarpinu í dag en hann var viðmælandi Arnþrúðar Karlsdóttur og Péturs Gunnlaugssonar.
Jón segir að fyrst hafi hann heyrt af fyrirhugaðri hátíðardagskrá hér á landi þegar vinur hans í Eistlandi hafði samband við Jón á mánudagsmorgni 22.ágúst og sagði honum hvað til stæði, að forseti Eistlands væri að fara í opinbera heimsókn til Íslands til þess að vera viðstaddur hátíðardagskrána. Stuttu síðar sama morgun hringdi Sighvatur Björgvinsson fyrrverandi ráðherra í hann og spyr hvort Jóni hafi boðist eitthvað boð af þessu tilefni.
„sem ég sagði sannleikanum samkvæmt að mér hefði ekki borist neitt boð um þetta, en síðan kl.14.06 á mánudegi, þá er klukkan um fjögur síðdegis hér á Spáni þar sem ég er staddur. Svarið er einfalt að þetta eru staðreyndirnar en svar mitt var auðvitað að með þriggja daga fyrirvara sæi ég ekki möguleika á því að þiggja þetta boð að vera meðal áheyrenda að erindi forseta ríkjanna þriggja og ég hefði ekki farið að gera neinar ráðstafanir þar sem ekki hafði verið gert ráð fyrir minni þátttöku í neinni dagskrá eftir því sem ég best vissi, en þetta eru staðreyndir málsins eins og þetta blasir við mér“ segir Jón.
Sniðganga gagnvart Jóni Baldvin í hátíðardagskránni hefur vakið mikla athygli, sér í lagi vegna þess hve stóran þátt Jón á í yfirlýsingu Íslands um sjálfstæði ríkjanna 1991. En þetta mun ekki vera í fyrsta sinn sem Jón verður fyrir barðinu á þeirri útilokunarmenningu sem viðgengst á vesturlöndum.
Aðspurður um hvort hann sé fórnarlamb útilokunarmenningarinnar segir Jón að það liggi fyrir og rifjaði upp hvernig starfssamningi hans við Háskóla Íslands var rift á sínum tíma vegna ásakana á hendur honum.
„Háskóli Íslands rifti samningnum við mig af því að einhverjar konur í svokallaðri kynjafræðiskor félagsvísindadeildar sögðu að ég væri vondur maður, hafði ég verið dæmdur fyrir eitthvað einhvers staðar? Nei ég hafði ekki verið dæmdur, það var búið að koma með kærur á hendur mér fimm sinnum sem í öllum tilvikum sem hefur annað hvort verið vísað frá og þá með þeim lagalegu forsendum að ekkert gæfi til kynna eða staðfesti refsiverða háttsemi, tvö dómsmál hafa verið rekin og í því fyrra hafa svívirðilegustu ásakanirnar verið dæmdar dauðar og ómerkar og í því seinna var ég sýknaður“
Engu að síður hafi það verið þannig að kynjafræðikonurnar í Háskólanum kúguðu Háskólann og rektor til þess að rifta samningnum og því hótað að annars yrði beitt ofbeldi.
„Háskóli Íslands ,akademían sem á að standa vörð um réttarríkið á Íslandi lúffaði og þegar ég hótaði málssókn lúffuðu þeir aftur, skriðu í skjól og báðust afsökunnar og borguðu hálfa milljón í bætur sem mátti ekki kalla skaðabætur en þeir stóðu við riftunina, ég er fórnarlamb þessarar útskúfunarmenningar“ segir Jón.
Aðspurður um hvort hann telji að Guðni Th. Jóhannesson forseti Íslands hafi látið kúga sig til þess að hafa Jón Baldvin ekki meðal ræðumanna á hátíðardagskránni segir Jón:
„ég vil ekki trúa því og þori ekki að trúa því, ég hef mætur á Guðna Th. Jóhannessyni forseta bæði sem einstaklings og fræðimanns og ég trúi því ekki fyrr en ég tek á því“ segir Jón.
Hlusta má á þáttinn í spilaranum hér að neðan