Þau úrræði sem stjórnvöl hafa lagt fram á undanförnum mánuðum til bjargar fyrirtækjum og einstaklingum eiga að duga til þess að ná utan um alla hópa samfélagsins, einnig þá sem fallið hafa á milli kerfa, til dæmis tónlistarmenn og fleiri slíka hópa. Þetta var meðal þess sem fram kom í máli Óla Björns Kárasonar í síðdegisútvarpinu í gær en hann var viðmælandi Arnþrúðar Karlsdóttur.
Óli Björn bendir á að nú séu á döfinni meðal annars tekjufallsstyrkir sem nái utan um fyrirtæki, einyrkja og þá sem hafa verið með 5 starfsmenn eða færri í vinnu, þar falla meðal annars tónlistarmenn undir, en eins og kunnugt er þá hafa þeir verið meira og minna tekjulausir frá því í vor og höfðu fallið á milli kerfa.
Hann segir mikilvægt að halda öllu gangandi því það tjón sem verði ef ekki er gripið inní getur orðið mun meira en fólk geri sér almennt grein fyrir
“ það er nefnilega ekki eingöngu efnahagslegt tjón heldur tapast einnig þekking og það er auðvitað líka tjón því þekking er gríðarlega verðmæt„.
Hlusta má á þáttinn í spilaranum hér að neðan.