Hefði meðlimur MAGA hreyfingarinnar keyrt á og drepið demókrata vegna skoðana þá hefði það orðið stærsta frétt meginmiðlanna
Meginmiðlar Bandaríkjanna þegja yfir morði 18 ára drengs, Sheri Ellingson, sem var stuðningsmaður Make America Great Again hreyfingarinnar í Bandaríkjunum. Skömmu eftir að Biden hélt sína árásarræðu gegn repúblikönum og sagði MAGA hreyfinguna ógna lýðveldi Bandaríkjanna og lýðræði, þá keyrði drukkinn maður á Ellingson og drap hann vegna stjórnmálaskoðana. Menntaskólinn, sem Ellingson hafði nýlega útskrifast frá, hélt minningarstund um hann. Morðinginn Brandt viðurkenndi í útvarpsviðtali, að hann hafði keyrt á gangandi vegfaranda, sem væri með í öfgahóp repúblikana.
Enginn af stóru fjölmiðlunum sagði frá morðinu og reyna að þegja yfir því og taka þannig þátt í að fegra vaxandi stjórnmálalegt ofbeldi í Bandaríkjunum. Donald Trump tók upp málið á fundinum í gær eins og sjá má á myndbandinu hér að neðan. Hann átalaði fjölmiðla fyrir að þegja yfir glæpnum og sagði:
„Hugsið ykkur ef það hefði verið á hinn bóginn, að MAGA meðlimur hefði keyrt yfir einhvern á hinni hliðinni, þá hefði það orðið stærsta fréttin í manna minnum.“
Fjölmiðlafólk á Fox gagnrýna blaðamannastéttina fyrir að sinna ekki störfum sínum
Í laugardagsþætti á Fox News ræddu blaðamenn um, hvernig ástandið er orðið, þegar blaðamenn eru orðnir svo pólitískt blindir að það háir störfum þeirra. Ræddu þau morðið á Sheri Ellingson en búið er að láta morðingjann lausan úr haldi, sem má bera saman við pólitíska fanga ríkisstjórnarinnar í fangelsum í Washington vegna meintrar árásar á þinghúsið mánuðum saman. Sumir þeirra fanga höfðu gert það eitt að vera á vitlausum stað á vitlausum tíma, því þeir voru hvorki meðlimir MAGA hreyfingarinnar heldur forvitnir borgarar, sem vildu fylgjast með.
Ræddu blaðamennirnir hversu alvarlegt það er, þegar forsetinn sem á að vera sameiningartákn, ræðst á stjórnmálaandstæðinga og kallar þá öllum illum nöfnum og segir þá vera beina hættu við lýðræðið og lýðveldið. Slíkt gæti hafa haft áhrif á morðingjann, sem notaði sömu orð um „öfgahreyfingu“ og Biden forseti gerði í alræmdri ræðu sinni nýverið baðaður rauðu ljósi. Var það samdóma álit umræðugesta þáttarins, að blaðamenn hefðu ábyrgð hér og hefðu skyldu að segja frá morðinu og setja í samhengi við það orðbragð sem forsetinn notaði. Guy Benson einn umræðugesta, segir málin mjög skökk í Bandaríkjunum og í reynd bara á einn veg, vinstri menn megi hljóða og koma með ásakanir en hægri menn ekki.
