Allir, sem láta sig umræðurnar um baráttuna við Covid-19 varða og skilja ensku, ættu að horfa á myndbandið hér að neðan en þar ræða þeir Dr. Robert Malone, sem fann upp mRNA bóluefnatæknina, Dr. Bret Weinstein líffræðisérfræðingur og athafnamaðurinn Steve Kirsch um ástandið í dag. Þetta er hluti af mun lengra fundi þeirra sem sjá má á myndbandi neðst á síðunni. Til umræðu er covid-19, bóluefnin og aðrar leiðir til að berjast gegn sjúkdómnum.
Lyfjaframleiðendur hafa brugðist rannsóknarskyldum sínum – nú þarf fólk að borga fyrir mistökin
Það er sláandi að heyra Dr. Robert Malone, sem útskýrir grundvallarlega muninn á mRNA bóluefnum og áður notuðum bóluefnum, að framleiðendur bóluefnanna hafa brugðist skyldu sinni með nægjanlegar tilraunir á dýrum og því séu gallar bóluefnisins að koma í ljós hjá fólki, sem annars hefðu komið fram hjá dýrum. Segir hann að niðurstöður japönsku vísindamannanna, sem gerðar voru fyrir Pfeizer en lyfjarisinn hélt leyndum, hafi verið þekktar af Lyfjastofnun Bandaríkjanna en ekkert verið að gert. Sjálfur hefur hann mörgum sinnum reynt að vara við bæði hjá Lyfjastofnum Bandaríkjanna og einnig Lýðheilsu Bandaríkjanna en komið að lokuðum dyrum.
Enginn reiknaði með því, að gaddapróteinið bærist með blóðinu út í líffæri líkamans
Átakanlegt að heyra Dr. Robert Malone lýsa því, að enginn hafði reiknað með að gaddapróteinið færi út í blóðið og bærist þaðan í líffæri líkamans. M.a. var rætt um fjölda dauða og vegna þess hversu fáir tilkynna um aukaverkanir mátu þessir sérfræðingar, að dánardala í Bandaríkjunum væri þegar komin yfir 20 þúsund manns eins og í Evrópu. Þá ræddu þeir einnig samantekt á greinargerð japönsku vísindamannanna sem sjá má á grafi hér að neðan en þar sést greinilega hvernig gaddapróteinið safnast aðallega í eggjastokkum kvenna og beinmerg fólks. Enginn veit enn hvaða áhrif þetta hefur en Dr. Malone sagði að sérhver sem fengi bóluefni með gaddapróteinum þyrfti að lifa með það út alla ævi.
Aukaverkanir bólusetninga geta komið í ljós fljótlega eða eftir 9 ár – allir verða að lifa með óvissuna það sem eftir er ævinna
Dr. Malone sagði að áhrif af aukaverkunum bóluefna gæti komið í ljós eftir 3 mánuði, eftir 6 ár og jafnvel eftir 9 ár. Enginn sem fær gaddapróteinið getur því verið öruggum um hvað muni gerast. Malone sagði að mRNA bóluefnin hegðuðu sér öðruvísi en önnur bóluefni og það hefði aldrei verið meiningin að gaddapróteinin skildust frá bóluefninu og færu út í blóðið. Venjulega safnast slík prótein á staðnum í kringum bólusetningarstaðinn í líkamanum. Þá ræddu sérfræðingarnir einnig um ástandið í Bretlandi og birtu bréf til Lýðheilsunnar í Bretlandi með kröfu um skýr svör varðandi fjölda látinna eftir að hafa verið bólusettir og aðrar aukaverkanir (sjá að neðan).
Um 900 þúsund tilkynntar aukaverkanir í Bretlandi frá 4. janúar – 26. maí 2021 þar af 1.253 andlát
Í nýlegri skýrslu í Bretlandi „Urgent preliminary report of Yellow Card data up to 26th of May 2021″ eru aukaverkanir bólusetninga gegn Covid-19 tilgreindar. Tess Lawrie forstjóri stofnunarinnar sem gerði skýrsluna hefursent lýðheilsu Bretlands MHRA bréf og fer fram á að eftirfarandi spurningum verði svarað eins skjótt og auðið er:
- Hversu margir hafa dáið innan 28 daga frá bólusetningu?
- Hversu margir fóru á sjúkrahús innan 28 daga frá bólusetningu?
- Hversu margir eru óvinnufærir vegna bólusetningar?
Sjá má á meðfylgjandi gögnum skýrslunnar hverjar tilkynntar aukaverkanir af bólusetningunum eru skv. breska tilkynningarkerfinu sem svipar til bandaríska VAERS. Á bilinu 4. janúar – 26. maí 2021 var tilkynnt um næstum 900 þúsund aukaverkanir, þar af 1.253 andlát. Grunur leikur á að þessar tölur séu mun hærri, þar sem allir tilkynna ekki til kerfisins, þegar grunur leikur á tenglsum við bólusetningar.
