Það væri mun betra að nota lyfið Ivermectin gegn Kórónaveirunni vegna þess að það er nær alveg aukaverkanalaust ólíkt öðrum þeim bóluefnum sem boðið er upp á hérlendis. Þetta var meðal þess sem fram kom í máli Guðmundar Karls Snæbjörnssonar sérfræðings í heimilislækningum í síðdegisútvarpinu í dag en hann var gestur Arnþrúðar Karlsdóttur.
Guðmundur Karl bendir á að yngra fólk geti glímt við afar erfiðar aukaverkanir, til dæmis ófrjósemi eftir bólusetningu með hefðbundnum bóluefnum, því sé Ivermectin augljóslega góður kostur fyrir þá sem eru enn á barneignaraldri og vilja ekki hætta á ófrjósemi.
Þá sé það einnig svo að virkni lyfsins sé um 95-99% , sem sé mun meiri virkni heldur en öll önnur bóluefni gegn veirunni sem notuð eru hér á landi hafa.
Guðmundur segir vel hægt að leyfa notkun Ivermectin hér á landi í baráttunni gegn veirunni á sömu forsendum og önnur lönd gera, til dæmis með því að yfirvöld mæli hvorki með né á móti lyfinu og að læknar geti fengið að ávísa því á þá sem kjósa að taka það sem fyrirbyggjandi gagnvart veirunni.
Hlusta má á viðtalið í spilaranum hér að neðan
