Forseti Íslands blekktur í Landsréttarmálinu

Jón Þór Ólafsson þingmaður Pírata

Forseti Íslands var blekktur í Landsréttarmálinu og þar bera þáverandi forseti Alþingis Unnur Brá Konráðsdóttir og skrifstofustjóri Alþingis þunga ábyrgð. Þetta var meðal þess sem fram kom í máli Jóns Þórs Ólafssonar þingmanns Pírata í síðdegisútvarpinu í dag en hann var þar gestur Péturs Gunnlaugssonar.

Í þættinum rifjaði Jón Þór upp upphaf málsins og þá ákvörðun sína á sínum tíma að hafa samband við forseta Íslands Guðna Th. Jóhannesson og vekja athygli hans á því að ekki hafi verið staðið rétt að vali á dómurum við Landsrétt þegar kosið var um valið á þingi.

Eins og kunnugt er skilaði Sigríður Á. Andersen forseta Alþingis lista með tillögum um dómaraefni, og fyrirmælum hvernig skyldi standa að vali dómaranna á þingi. Þáverandi forseti þingsins fór hins vegar aðra leið og lét kjósa um hóp dómarana í einni kosningu á þinginu í stað þess að kjósa um hvern og einn eins og dómsmálaráðherra hafði lagt til

forseti Alþingis átti að vita hvernig standa ætti að þessu og ég trúi ekki að hún hafi ekkert vitað hvernig ætti að standa að þessu, svo er kosið um málið og forseta sent skjalið til undirritunar, hann er í raun bara einfaldlega blekktur með þessum hætti” segir Jón.


Vill að málið verði rannsakað


Jón segir að hann vilji að málið verði rannsakað og það leitt í ljós hvernig það stóð á því að ekki var kosið um hvern dómara fyrir sig eins og átti að gera og hvers vegna forsetanum var afhent skjalið til undirritunar þrátt fyrir að forseti þingsins hefði mátt vita að ekki hafi verið staðið rétt að kosningunni.

Í þættinum var einnig rifjað upp viðtal Arnþrúðar Karlsdóttur og Péturs Gunnlaugssonar við Jón Þór frá 1.júní 2017, klukkustund áður en kosið var um dómarana, en í því viðtali lýsir Jón þeim efasemdum sem hann hafði um málið, það viðtal má heyra í spilaranum neðst í fréttinni, en þar fyrir ofan má heyra viðtalið við Jón Þór frá því í dag.

Athugasemdir

athugasemdir

Deila