Neyðarópið: Verðum að gera allt til að forða Bandaríkjamönnum frá bráðri kjarnorkuárás hins truflaða forseta á land okkar og lýðræði!

Nancy Pelosi segir Bandaríkjaforseta bilaðan mann og taka verði af honum kjarnorkuvopnakóðana til að koma í veg fyrir að hann ráðist gegn Bandaríkjamönnum með kjarnorkuvopnum

Þeir sem skrifa um valmöguleikaraunveruleikann, sem þeir telja að stuðningsmenn Trumps vistist í eins og fv. forsætisráðherra Svíþjóðar Fredrik Reinfeldt gerir á ýmsum sjónvarpsstöðvum í Svíþjóð, ættu að íhuga þann raunverulega ímyndunarheim, sem forseti fulltrúardeildar Bandaríkjaþings Nancy Pelosi lifir í. Demókratar eru í stríðshug og beita öllum brögðum til að hindra að 45. forseti Bandaríkjanna geti á friðsamlegan hátt látið af embætti og Joe Biden tekið við sem 46. forseti Bandaríkjanna þann 20. janúar n.k. Með takmarkalausu hatri og sjaldséðnum ofsóknum á Donald Trump lýðræðislega kjörnum forseta Bandaríkjanna hellir nú Demókrataflokkurinn olíu á eldinn og æsir til óróleika í landinu.

Varaforsetinn neitar að skipa hernum að handtaka Trump

Fyrir utan að reyna að þvinga varaforsetann Mike Pence til að reka Bandaríkjaforseta með hervaldi úr embætti, sem hann að sjálfsögðu neitaði enda algjör fásinna, þá ætla Demókratar í annað sinn að draga Trump fyrir ríkisrétt sem óljóst er að takist, þar sem ekki eru nema 11 dagar þar til hann lætur formlega af embætti. Þeir gætu sett ferlið í gang í fulltrúardeildinni en málið mun ekki fá tilhlýðilegan atkvæðafjölda í öldungardeildinni frekar en í fyrri tilraun. Hins vegar færi það í sögubækurnar að Trump væri fyrsti forsetinn sem í tvígang væri reynt að draga fyrir ríkisrétt.

Talaði við æðsta hershöfðingjann um aðgerðir til að koma í veg fyrir að forsetinn beiti kjarnorkuvopnum gegn Bandaríkjamönnum

Nanci Pelosi sendi bréf til þingmanna Demókrata þar sem hún upplýsir um viðræður sínar við Pentagon og æðstu herstjórn Bandaríkjahers og kröfur hennar sem forseta fulltrúardeildarinnar, að herinn taki kjarnorkuvopnavöldin af Donald Trump Bandaríkjaforseta: „Koma í veg fyrir að truflaður forseti noti kjarnorkuvopnakóðana: Í morgun hafði ég samband við Mark Milley yfirmann herráðsins til að ræða um hugsanlegar leiðir til að koma í veg fyrir að truflaður forseti geti notað herinn í fjandsamlegum tilgangi eða notað kjarnorkuvopnalyklana til að hefja kjarnorkuárás. Ástandið með þennan bilaða forseta getur ekki verið hættulegra og við verðum að gera allt sem í valdi okkar stendur til að verja Bandaríkjamenn frá bráðri árás á land okkar og lýðræði.”

Athugasemdir

athugasemdir

Deila