Fréttir vikunnar: Eldgosið, loftslagsmálin og hvalveiðarnar

Páll Vilhjálmsson.

Eldgosið sem hófst á Reykjanesi virðist meinlaust enn sem komið er og vonandi helst það þannig, en ljóst að það er ekkert sem heldur af eldgosaþyrstum Íslendingum sem nú flykkjast eins og þeir eigi lífið að leysa að gosstöðvunum. Þetta var meðal þess sem rætt var um í þættinum Fréttir vikunnar í dag en þar var Páll Vilhjálmsson blaðamaður, kennari og bloggari getur Arnþrúðar Karlsdóttur.

Páll segir að viðbragðsaðilar hafi vegna fyrri reynslu vitað að ekki þýddi að banna fólki að fara að gosinu og hafi þess í stað reynt að beina til fólks skynsamlegum tilmælum eins og að fara ekki með börn á gosstöðvarnar eins og einhverjir hafa reynt að gera, enda er gangan mjög löng.

„fyrst voru þetta 17 kílómetrar og það er ekkert fyrir hvern sem er að ganga 17 kílómetra og hvað þá yfir úfið hraun, það er eins og steypt í þjóðarsálina að þegar það verði gos þá verði menn að fara á staðinn og taka sjálfu af sér á staðnum til að senda vinum“

Hann segir athyglina sem gosið fær afar skiljanlega enda sé ekki mjög líklegt að menn fái tækifæri til þess að komast á þann stað þar sem mótun lands birtist jafn ljóslifandi fyrir mönnum

„þess vegna verður þetta bráðræði en ég hef fullan skilning á því, þetta er stórkostlegt sjónarspil náttúrunnar og ferðamenn vilja líka sjá þetta því þetta er það sem menn sjá bara á myndum svona yfirleitt, í raun er þetta land að fæðast og náttúran er að umbreyta sér og því er þetta mjög merkilegur atburður“

Það eru þó ákveðnir ókostir við gosið sem er auðvitað sú mengun sem af því hlýst en Páll segir að hann telji að koltvísýringurinn muni gera gróðrinum gott. Hann sé því annarar skoðunar en margir hvað áhrif á loftlagið varðar.

Í þættinum ræddi Páll einnig um loftlagsmálin sem hann segir að byggist ekki á vísindum heldur sé um að ræða ákveðna hugmyndafræði, hugmyndafræði sem viss öfl græða á. Þannig sé fólki sagðar tröllasögur af afleiðingum þess að jörðin hitni en það þurfi ekki nema að horfa til þess að þetta sé ákkúrat það sem náttúran geri, hún skapi og hún tortími, það séu engin ný sannindi.

Til þess að undirstrika hugmyndafræðina séu fengin ákveðin andlit til þess að reka áróðurinn, andlit eins og Greta Thunberg sem viti ákkúrat ekkert um loftslagsmál, enda hafi hún skrópað í skólanum og hafi því ekkert lært um grunn líffræðina. Hér á Íslandi séu það menn eins og Andri Snær Magnason rithöfundur og fleiri slíkir sem haldi jarðarfarir fyrir jökla sem séu að bráðna eins og jökulinn OK sem reyndar var einnig sagður vera að hverfa árið 1960. Staðreyndin er hins vegar sú að jökull er eðli málsins samkvæmt samsettur úr ís og á það til að bráðna líkt og annar ís.

Fjallað var um öfgarnar gagnvart hvalveiðum og segir Páll að líkt og með loftslagsbreytingarnar komi öfgarnar að utan,

„menn hafa misst svolítið tengslin við uppruna matarins og hvalir eru rétt eins og fiskur nytjastofn, það eru tilburðir í samfélaginu okkar til þess að gera suma hluti heilaga sem áður voru bara frekar hversdagslegir“

Eiturbyrlunin og símaþjófnaðurinn gagvart Páli Steingrímssyni skipstjóra var einnig til umræðu í þættinum og greindi Páll meðal annars frá því að lögreglan hefði komist á snoðir um hverjir ættu aðild að málinu með því að hlera síma blaðamanna. Nánari og ítarlegri umfjöllun um þann hluta þáttarins má lesa með því að smella hér.

Þátturinn verður aðgengilegur hér í fréttinni innan skamms

Deila