Það væri vel hægt að bjarga störfum almennings og verðmætum fyrirtækja með því að gefa fyrirtækjum greiðslufresti á meðan fyrirtæki í vandræðum endurskipuleggi reksturinn. Þetta var meðal þess sem fram kom í máli Ragnars Önundarsonar viðskiptafræðings og fyrrverandi bankastjóra í síðdegisútvarpinu í dag en hann var viðmælandi Péturs Gunnlaugssonar.
Ragnar segir að allt sem þurfi sé skilningur lánadrottna og birgja á stöðu viðkomandi fyrirtækis og traust þeirra á því að betra yrði að gefa greiðslufresti heldur en setja fyrirtæki í þrot með tilheyrandi tapi á störfum, þekkingu og verðmætum, það megi gera með einföldum hætti
“ verðmætin sem á að reyna að verja eru sett í dótturfélag og þá eru engin verðmæti tekin frá hluthöfunum, þá er það venjulega bankinn sem lánar hlutafé í nýja dótturfélagið og tekur um leið veð í því og valdar þannig stöðuna í félaginu, þegar því er lokið þá taka kröfuhafarnir eftir þvó og eru þá mun tilbúnari til þess að samþykkja nauðasamninga„,segir Ragnar.
Hlusta má á þáttinn í spilaranum hér að neðan.